Photos: 'लक्ष्मीनिवास' मालिकेत बॉलिवूड थीममध्ये साजरा झाला लक्ष्मीचा ६०वा वाढदिवस

झी मराठीवरील लोकप्रिय मालिका 'लक्ष्मी निवास'मध्ये (Lakshmi Niwas TV Serial) लक्ष्मीच्या ६०व्या वाढदिवसाचा खास भाग प्रेक्षकांना पाहायला मिळणार आहे. लक्ष्मीला वाटते की घरात कोणालाही तिचा वाढदिवस लक्षात नाही, मात्र श्रीनिवास तिला खास सरप्राईज देणार आहे. 'लक्ष्मी निवास'मध्ये लक्ष्मीच्या वाढदिवसाची जोरदार तयारी सुरू झाली आहे. त्याचवेळी जयंत फोन करून आपल्या घरी पार्टी ठेवण्याचा आग्रह धरतो, पण भावना आधीच सगळं ठरलं असल्याचं सांगते. भावनाच्या घरी 'बॉलिवूड थीम'वर भव्य सरप्राईज पार्टी आयोजित केली जाते. कुटुंबातील सर्व सदस्य बॉलिवूड अवतारात या पार्टीत सहभागी होतात. गाणी, नृत्य आणि धमाल सुरू होते. संपूर्ण कुटुंब एकत्र पाहून लक्ष्मी भावूक होते आणि तिला जान्हवीची आठवण येते. मात्र, जान्हवी तिथेच पार्टीत उपस्थित आहे, याची लक्ष्मीला पुसटशीही कल्पना नसते. आनंदाच्या या क्षणांत अचानक पोलीस पार्टीत दाखल होतात आणि सगळ्यांनाच धक्का बसतो. आता पोलीस नेमके का आले आहेत? या आनंदाच्या प्रसंगी कोणते नवे संकट उभे राहणार? जान्हवी सर्वांच्या नजरेस पडणार का? या सर्व प्रश्नांची उत्तरे 'लक्ष्मी निवास'च्या आगामी भागांत पाहायला मिळतील. (सर्व फोटो सौजन्य : झी मराठी/इन्स्टाग्राम) (हेही पाहा : 'कैरी' चित्रपटातील सायली संजीवचा लाल कॉटन वन पिस ड्रेसमधील लूक चर्चेत)