कोण आहे सनी देओलची पत्नी? बॉलीवूडमध्ये केलंय काम, पण प्रसिद्धीपासून राहते दूर, जाणून घ्या...

Sunny Deol Pooja Deol Love Story : देओल कुटुंबीय सातत्याने चर्चेत असतात. पण सनी देओलची पत्नी मात्र लाइमलाइटपासून दूर असते. सनी देओलच्या पत्नीचे नाव पूजा देओल आहे. पूजा देओल शेवटची मुलगा करण देओलच्या लग्नात दिसली होती. तेव्हा पूजा देओलच्या फोटोंनी लक्ष वेधून घेतले होते. आज पूजा देओल व सनी देओलची लव्ह स्टोरी जाणून घेऊयात. सनी देओल व पूजा देओलचं लग्न १९८४ साली लंडनमध्ये झालं होतं. पूजाचं खरं नाव लिंडा आहे. पूजा देओलच्या वडिलांचं नाव कृष्णन देव महल व आईचं नाव सारा होतं. पूजाची आई सारा महल ब्रिटिश होती, ती ब्रिटिश राजघराण्याशी संबंधित होती. सनी देओल व पूजा बालपणीचे मित्र होय. लोक पूजा देओलला गृहिणी म्हणून ओळखतात. पण ती केवळ गृहिणी नाही तर एक लेखिका देखील आहे आणि तिने बॉलिवूडमध्ये काम केले आहे. तिने सनी देओलच्या ‘यमला पगला दीवाना-२’ या चित्रपटाची कथा लिहिली होती. पूजाने १९६६ मध्ये प्रदर्शित झालेल्या ‘हिम्मत’ या चित्रपटात पाहुण्या कलाकाराची भूमिका साकारली होती. त्यानंतर पूजाने कोणत्याच चित्रपटात काम केलं नाही. माध्यमांनुसार, लग्नानंतर सुरुवातीची काही वर्ष पूजा आपल्या वैवाहिक आयुष्यामध्ये फारशी आनंदी नव्हती. सनी देओलच्या अफेअर्सच्या चर्चा हे त्यामागे कारण होते. आता या दोघांच्या लग्नाला जवळपास चार दशकं झाली असून त्यांचा मोठा मुलगा करणचं लग्नही झालं आहे. (सर्व फोटो- (फोटो – वरिंदर चावला व करण देओलच्या इन्स्टाग्रामवरून साभार)