Photos: ‘काळी पैठणी, मोत्याची नथ…’; मानसी नाईकचा शाही थाट पाहून चाहते घायाळ!

अभिनेत्री मानसी नाईकचा काळ्या रंगाच्या भरजरी पैठणीतील 'शाही लूक' सध्या सोशल मीडियावर तुफान व्हायरल होत आहे. संक्रांतीच्या निमित्ताने मानसीने काळी साडी आणि पारंपरिक दागिन्यांची निवड करीत चाहत्यांचे लक्ष वेधून घेतले आहे. कपाळावर चंद्रकोर, नाकात नथ आणि हातात भरगच्च बांगड्या... मानसीच्या या मराठमोळ्या रूपातून सौंदर्याची खाणच ओसांडून वाहत आहे. सोनेरी काठ असलेल्या या काळ्या साडीमध्ये मानसीचे सौंदर्य अधिकच खुलून दिसत असून, तिचा 'नखरा' चाहत्यांना घायाळ करीत आहे. गळ्यात कोल्हापुरी साज आणि जड दागिन्यांनी मानसीने आपल्या या पारंपरिक लूकला एक परिपूर्ण 'क्लासिक' टच दिला आहे. मानसीने तिच्या पोस्टमध्ये म्हटल्याप्रमाणे, परंपरेतली मोहकता आणि आधुनिक अंदाज यांचा सुंदर मेळ या फोटोंमध्ये दिसून येतोय. साडीचा पदर सावरत आणि मिश्कील हास्य करीत मानसीने दिलेल्या पोजेस सोशल मीडियाचे तापमान वाढवत आहेत. मानसीच्या या पैठणी साडीची आणि त्यावरील बारीक नक्षीकामाची चर्चा आता फॅशनप्रेमींमध्ये रंगू लागली आहे. (सर्व फोटो सौजन्य : मानसी नाईक/इन्स्टाग्राम)