"आई हिंदू होती; ती नियमित पूजा…", 'या' कारणामुळे संगीतकार ए. आर. रहमान यांनी बदललेला धर्म; ज्योतिषाने...

'छावा' सिनेमाबद्दल आणि बॉलीवूडमध्ये सांप्रदायिक घटकांमुळे मिळणाऱ्या कामावर प्रभाव पडत असल्याच्या वक्तव्यामुळे ए. आर. रहमान सध्या चांगलेच चर्चेत आहेत. त्यांच्या या वक्तव्यामुळे मोठा वाद निर्माण झाला आहे. बीबीसीला दिलेल्या मुलाखतीचे व्हिडीओ सोशल मीडियावर व्हायरल झाल्यानंतर रहमान चर्चेत आले आहेत. मात्र, तुम्हाला माहितीय का रहमान हे आधी हिंदू होते. नंतर त्यांनी इस्लाम धर्म स्वीकारला. ए. एस. दिलीप कुमार हे नाव बदलून, ते अल्ला रक्खा रहमान (ए. आर. रहमान) झाले. २०१५ साली नसीर मुन्नी कबीर यांनी लिहिलेल्या ‘ए. आर. रहमान : द स्पिरिट ऑफ म्युझिक’ या पुस्तकात रहमान यांनी स्वतःचा आध्यात्मिक प्रवास सांगितला आहे. रहमान सांगतात, “माझी आई हिंदू होती आणि ती नियमित पूजा-पाठ करायची. ती आध्यात्मिक विचारांची होती. आम्ही हबीबुल्लाह रोडवर राहत असलेल्या घराच्या भिंतींवर हिंदू देवतांची चित्रं होती." वडिलांना कॅन्सर झाला होता आणि शेवटच्या दिवसांत एका सूफी संतानं त्यांच्यावर उपचार केले होते. त्या सूफी संताच्या संपर्कात आल्यानंतर संपूर्ण कुटुंबानं इस्लाम धर्म स्वीकारला. धर्मांतराबाबत रहमान म्हणालेले, “सूफी मार्गावर कुणालाही जबरदस्तीनं आणलं जात नाही. जेव्हा तुम्हाला मनापासून वाटतं, तेव्हाच तो मार्ग स्वीकारला जातो.” ए. आर. रहमान यांच्या नावाबाबतही एक खास गोष्ट. लहान बहिणीची कुंडली दाखवण्यासाठी ते ज्योतिषाकडे गेले असता त्यांनी ज्योतिषाला याबाबत विचारलं. (सर्व फोटो : इन्स्टाग्राम) रहमान यांना त्या ज्योतिषानं ‘अब्दुल रहमान’ व ‘अब्दुल रहीम’ ही दोन नावं सुचवली होती. यापैकी त्यांना ‘रहमान’ हे नाव आवडलं. त्यामुळे त्यांनी तेच नाव ठेवलं.