Photos: हिरवी मुनिया पैठणी अन् मोगऱ्याचा गंध; रेश्मा शिंदेच्या साडीतील लूकची चाहत्यांमध्ये चर्चा

छोट्या पडद्यावरील लोकप्रिय अभिनेत्री रेश्मा शिंदे (Reshma Shinde) सध्या तिच्या एका खास फोटोशूटमुळे सोशल मीडियावर चर्चेत आली आहे. नुकतेच रेश्माने पारंपरिक साडीत केलेले हे फोटोशूट चाहत्यांच्या पसंतीस उतरत आहे. या फोटोशूटसाठी रेश्माने हिरव्या रंगाची मुनिया पैठणी परिधान केली असून, त्यात तिचे सौंदर्य अधिकच खुलून दिसत आहे. या लूकला साजेसा असा मोजकाच दागिन्यांचा साज रेश्माने केला आहे. केसांची सुंदर वेणी बांधून त्यावर माळलेल्या मोगऱ्याच्या गजऱ्याने रेश्माच्या या मराठमोळ्या लूकला पूर्णत्व दिले आहे. हे फोटो शेअर करताना रेश्माने 'साधेपणातच खरे सौंदर्य' असे कॅप्शन दिले आहे. रेश्मा सध्या स्टार प्रवाहवरील लोकप्रिय मालिका 'घरोघरी मातीच्या चुली'मध्ये (Gharoghari Matichya Chuli) 'जानकी' ही मुख्य भूमिका साकारत आहे. या भूमिकेमुळे रेश्मा सध्या घराघरात पोहोचली असून तिच्या अभिनयाचेही सर्वत्र कौतुक होत आहे. (सर्व फोटो सौजन्य : रेश्मा शिंदे/इन्स्टाग्राम) (हेही पाहा : अंकुश चौधरीच्या वाढदिवशी प्राजक्ता माळीची खास पोस्ट; 'देवखेळ'च्या सेटवरील फोटो केले शेअर)