Photos: विशाल निकम व अक्षया हिंदळकरचं रोमँटिक फोटोशूट व्हायरल; चाहते म्हणतात...

'बिग बॉस मराठी'च्या तिसऱ्या सीझनचा विजेता आणि लोकप्रिय अभिनेता विशाल निकम (Vishal Nikam) सध्या त्याच्या वैयक्तिक आयुष्यामुळे चर्चेत आला आहे. विशालने नुकतेच अभिनेत्री अक्षया हिंदळकरबरोबर (Akshaya Hindalkar) रोमँटिक फोटोशूट केले असून, त्याचे फोटो सध्या सोशल मीडियावर प्रचंड व्हायरल होत आहेत. या फोटोशूटमध्ये अक्षयाने स्टायलिश प्रिंटेड कॉटन वन पीस ड्रेस परिधान केला आहे, तर विशाल पांढऱ्या शर्ट आणि पॅंटमध्ये अतिशय डॅशिंग दिसत आहे. दोघांची केमिस्ट्री या फोटोंमध्ये दिसत असून चाहत्यांनी त्यावर पसंतीची पावती दिली आहे. सोशल मीडियावर चाहते 'फेव्हरेट जोडी' आणि 'खूप छान जोडी' अशा कमेंट्स करत या दोघांवर प्रेमाचा वर्षाव करत आहेत. विशाल आणि अक्षयाने स्टार प्रवाहवरील 'साता जल्माच्या गाठी' (Saata Jalmachya Gathi TV Serial) या मालिकेत एकत्र काम केले होते. याच मालिकेच्या सेटवर त्यांच्या मैत्रीचे रूपांतर प्रेमात झाल्याचे बोलले जात आहे. गेल्या काही दिवसांपासून विशाल आणि अक्षया लवकरच लग्नबंधनात अडकणार असल्याची चर्चा सोशल मीडियावर रंगली आहे. मात्र, अद्याप दोघांनीही अधिकृतपणे यावर कोणतीही प्रतिक्रिया दिलेली नाही. (सर्व फोटो सौजन्य : विशाल निकम/इन्स्टाग्राम) हेही पाहा : 'जरा जरा हे मन खुळावते...'; नम्रता संभेरावचं प्रिंटेड कॉटन साडीत खास फोटोशूट