Photos: 'लग्नाचा शॉट' चित्रपटाच्या ट्रेलर लाँच सोहळ्यासाठी प्रियदर्शिनी इंदलकरचा हटके लूक

महाराष्ट्राची लाडकी अभिनेत्री प्रियदर्शिनी इंदलकर (Priyadarshini Indalkar) लवकरच 'लग्नाचा शॉट' (Lagnacha Shot Movie) या नव्या कोऱ्या चित्रपटातून प्रेक्षकांच्या भेटीला येणार आहे. नुकताच या चित्रपटाचा ट्रेलर लाँच सोहळा दिमाखात पार पडला. या चित्रपटाच्या ट्रेलर लाँच सोहळ्यासाठी प्रियदर्शिनीने हटके लूक केला होता. ट्रेलर लाँचसाठी प्रियदर्शिनीने एका खास फॅशन स्टेटमेंटची निवड केली होती. प्रियदर्शिनीने पांढऱ्या रंगाच्या फॉर्मल शर्टवर काळ्या आणि सोनेरी रंगाचा डिझायनर वन-पीस ड्रेस परिधान केला होता. या चित्रपटाबद्दल बोलताना दिग्दर्शक अक्षय गोरे म्हणाले, "या चित्रपटातून आम्ही केवळ मनोरंजन न देता, नात्यांमधील गुंतागुंत, गैरसमज आणि त्यातून मार्ग काढण्याचा प्रवास अतिशय हलक्या-फुलक्या पद्धतीने मांडला आहे." अक्षय गोरे यांनीच या चित्रपटाचे लेखन आणि दिग्दर्शन केले आहे. येत्या ६ फेब्रुवारी २०२६ रोजी हा चित्रपट प्रदर्शित होत आहे. (सर्व फोटो सौजन्य : प्रियदर्शिनी इंदलकर/इन्स्टाग्राम) (हेही पाहा : 'दो दीवाने शहर में' चित्रपटाच्या प्रमोशनसाठी मृणाल ठाकूरचा स्ट्राइप्स ड्रेसमधील लूक)