Photos: ‘निळी सिल्क साडी, केसात गजरा…’ सुरुची अडारकरच्या मराठमोळ्या सौंदर्याने वेधले लक्ष!

अभिनेत्री सुरुची अडारकरने नुकतेच एका राजसी सिल्क साडीत फोटोशूट केले असून तिचा हा पारंपरिक लूक चाहत्यांच्या पसंतीस पडत आहे. गडद निळ्या रंगाची साडी आणि त्याला असणारा केशरी-लाल रंगाचा काठ सुरुचीच्या सौंदर्याला एक वेगळीच झळाळी देत आहे. या फोटोशूटमध्ये तिने नेसलेल्या साडीवर अत्यंत नाजूक सोनेरी बुट्टे आणि पदरावर पारंपरिक नक्षीकाम पाहायला मिळत आहे. साडीला साजेसा असा फिकट चंदेरी रंगाचा कोपरापर्यंत बाह्यांचा ब्लाऊज तिने परिधान केला असून, पाठीला असणाऱ्या दोरीच्या नॉटमुळे तिचा लूक अधिक स्टायलिश दिसत आहे. गळ्यातील काळ्या मण्यांचे लांब मंगळसूत्र तिच्या या घरंदाज आणि सात्विक लूकला अधिक उठावदार बनवत आहे. केसांची अर्धवट वेणी घालून त्यावर माळलेल्रा पांढऱ्या शुभ्र फुलांचा गजरा तिच्या या पारंपरिक पेहरावात भर टाकत आहे. अगदी साधा मेकअप आणि कपाळावर लावलेली छोटी टिकली सुरुचीच्या नैसर्गिक सौंदर्याचे दर्शन घडवत आहे. सोशल मीडियावर तिचे हे फोटो व्हायरल झाले असून, चाहत्यांनी तिच्या या मराठमोळ्या सौंदर्यावर कमेंट्सचा वर्षाव केला आहे. (सर्व फोटो सौजन्य: सुरुची अडारकर/इन्स्टाग्राम)