पोट फुगण्याच्या त्रासावर बॉलीवूड अभिनेत्रीने सांगितला पारंपरिक उपाय, घरगुती पदार्थ वापरुन तयार केलं अँटी-ब्लोटिंग ड्रिंक; पाहा…

बॉलीवूड अभिनेत्री नेहा धुपिया ही तिच्या सोशल मीडियावर आरोग्यविषयक सूचना देताना दिसते. अशातच काही दिवसांपूर्वी तिनं ब्लोटिंगवरील एक पेय सांगितलं आहे. नेहा धुपियाने ब्लोटिंग आणि पचनाच्या त्रासावर घरच्या घरी बनवता येणारा सोपा आणि पारंपरिक उपाय सांगितला आहे. नेहा धुपियाने ब्लोटिंग आणि पचनाच्या त्रासावर घरच्या घरी बनवता येणारा सोपा आणि पारंपरिक उपाय सांगितला आहे. तसंच दिवसभराच्या थकव्यानंतर हे पेय तिच्यासाठी हमखास उपयोगी ठरतं, असंही नेहाने सांगितलं. हे पेय तयार करणं खूप सोपं आहे. पाण्यात बडीशेप, ओवा, जिरे, थोडं बारीक चिरलेलं आलं आणि आवडीनुसार थोडंसं लिंबू घालून हे मिश्रण साधारण पाच मिनिटं उकळायचं. नंतर ते कोमट अवस्थेत प्यायचं. “हे अँटी-ब्लोटिंग ड्रिंक माझ्यासाठी जादूसारखं काम करतं. दिसायलाही छान आणि चवीला देखील छान आहे. यामुळे पोट फुगणं कमी होतं, पचन सुधारतं आणि झोपही चांगली लागते", असंही नेहाने सांगितलं. अँटी-ब्लोटिंग ड्रिंकसाठी नेहाने तिच्या न्यूट्रिशनिस्ट रिचा गंगानीचे आभार मानले. तसेच, हा उपाय करण्यापूर्वी डॉक्टर किंवा न्यूट्रिशनिस्टचा सल्ला घ्यावा, असंही तिने आपल्या चाहत्यांना सांगितलंय. दरम्यान, नेहाबद्दल सांगायचं झाल्यास, ती आपल्या अभिनयासह फिटनेस आणि हेल्दी लाईफस्टाईलसाठी ओळखली जाते. (फोटो : इन्स्टाग्राम) स्वत:ला फिट ठेवण्यासाठी नेहा डाएट आणि व्यायामासह काही घरगुती गोष्टीदेखील करते. अशातच तिनं घरगुती पेय सांगितलं आहे.