रितेश-जिनिलीया यांच्या संसाराला १४ वर्ष पूर्ण; अभिनेत्रीकडून नवऱ्याला रोमँटिक शुभेच्छा; शेअर केले खास फोटो

अभिनेता रितेश देशमुख आणि जिनिलीया देशमुख ही जोडी मराठीसह हिंदी चित्रपटसृष्टीतील लोकप्रिय जोडी आहे. दोघांना महाराष्ट्राचे ‘दादा-वहिनी’ म्हणून लोकप्रिय आहेत. रितेश आणि जिनिलीया देशमुख यांनी एकमेकांना १० वर्षे डेट केल्यावर ३ फेब्रुवारी २०१२ रोजी थाटामाटात लग्न केलं. अशातच आज त्यांच्या लग्नाचा वाढदिवस आहे. रितेश आणि जिनिलीया देशमुख यांच्या संसाराला १४ वर्ष पूर्ण झाली आहेत. लग्नाच्या वाढदिवसानिमित्त जिनिलीयाने लग्नातील खास फोटो शेअर केले आहेत. जिनिलीयाने इन्स्टाग्रामवर लग्नाचे फोटो शेअर करीत खास पोस्टसुद्धा शेअर केली आहे. जिनिलीयाने शेअर केलेले हे फोटो सध्या सोशल मीडियावर व्हायरल होत आहेत. लग्नाच्या फोटोंसह ती म्हणते, "प्रिय रितेश आज, उद्या आणि कायमच... मी तुझ्यावर प्रेम करते. तू नेहमीच माझ्या आयुष्याच्या कथेतला एक सुंदर अध्याय असशील. लग्नाच्या वाढदिवसाच्या शुभेच्छा." जिनिलीयाने इन्स्टाग्रामवर शेअर केलेल्या या फोटोंखालील कमेंट्समध्ये त्यांच्या अनेक चाहत्यांनी त्यांना लग्नाच्या वाढदिवसानिमित्त शुभेच्छादेखील दिल्या आहेत. रितेश आणि जिनिलीया ही जोडी सोशल मीडियावर कायमच सक्रीय असते. सोहल मीडियावर ते त्यांचे अनेक रोमॅंटिक फोटो शेअर करताना दिसतात. तसंच मजेशीर व्हिडीओसुद्धा शेअर करत असतात. मराठीसह हिंदी मनोरंजन विश्वात आपल्या अभिनयानं आणि दिग्दर्शनानं रितेशनं स्वत:चं एक वेगळं अस्तित्व निर्माण केलं आहे; तर जिनिलीयासुद्धा मनोरंजन क्षेत्रात सक्रिय आहे. रितेश अणि जिनिलीया आगामी 'राजा शिवाजी' या सिनेमातून एकत्र प्रेक्षकांच्या भेटीला येणार आहेत. तर, रितेश सध्या 'बिग बॉस मराठी ६'मधून प्रेक्षकांच्या भेटीला येत आहे. (फोटो सौजन्य : इन्स्टाग्राम)