अक्षय केळकरने पत्नीबरोबर साजरी केली लग्नानंतरची पहिली मकरसंक्रांत; पाहा खास फोटो

'बिग बॉस मराठी'च्या चौथ्या पर्वाचा विजेता अभिनेता अक्षय केळकर (Akshay Kelkar) सध्या त्याच्या सोशल मीडिया पोस्टमुळे चर्चेत आहे. अक्षयने काही दिवासांपूर्वीचे पत्नी साधना काकतकरबरोबर (Sadhana Kakatkar) लग्नानंतरची पहिली मकरसंक्रांत मोठ्या उत्साहात साजरी केली. नवविवाहित जोडप्यासाठी लग्नानंतरची पहिली मकरसंक्रांत अत्यंत खास असते. या खास प्रसंगासाठी दोघांनीही पारंपारिक पेहरावाला पसंती दिली होती. अक्षयने काळ्या रंगाचा कुर्ता परिधान केला होता, तर साधनाने काळ्या रंगाची सुंदर साडी नेसून सर्वांचे लक्ष वेधले. अक्षय आणि साधनाने साखरेच्या पाकापासून तयार केलेले पांढरे शुभ्र हलव्याचे दागिने परिधान केले होते. या पारंपरिक दागिन्यांमध्ये दोघांचेही सौंदर्य अधिकच खुलून दिसत होते. अक्षय आणि साधना ९ मे २०२५ रोजी विवाहबंधनात अडकले. लग्नापूर्वी ते जवळपास १० वर्षे एकमेकांसोबत रिलेशनशिपमध्ये होते. (सर्व फोटो सौजन्य : अक्षय केळकर/इन्स्टाग्राम) (हेही पाहा : "मोगरा फुलला.. फुलें वेंचितां बहरू.." प्रथमेश परबचं पत्नीबरोबर सुंदर फोटोशूट)