Photos : श्रुती मराठेची नवऱ्यासोबत बाली सफर; निसर्गभ्रमंतीसह रोमँटिक फोटोंची चर्चा

मराठी अभिनेत्री श्रुती मराठे आणि अभिनेता गौरव घाटणेकर सध्या बालीमध्ये आपल्या सुट्यांचा मनसोक्त आनंद लुटताना दिसत आहेत. श्रुतीने सोशल मीडियावर शेअर केलेल्या फोटोंमध्ये ती बालीच्या सुंदर आणि हिरव्यागार निसर्गामध्ये हरवून गेल्याचे पाहायला मिळतेय. एका फोटोमध्ये श्रुती फुलांनी सजवलेल्या 'जंगल स्विंग'वर बसून, तिथल्या निसर्गरम्य दऱ्यांचा आनंद घेताना अतिशय सुंदर दिसत आहे. गौरव आणि श्रुती या दोघांनी समुद्रकिनाऱ्यावर एकत्र वेळ घालवला असून, त्यांचे कूल फोटो चाहत्यांच्या पसंतीस उतरत आहेत. या सहलीत श्रुतीने तिथल्या प्रसिद्ध जागांना भेटी दिल्या असून, पांढऱ्या रंगाच्या 'पोल्का डॉट' ड्रेसमधील तिचा लूक खूपच मोहक आहे. केवळ फिरणेच नाही, तर श्रुतीने बालीमध्ये 'फ्लायबोर्डिंग'सारख्या साहसी जलक्रीडांचा अनुभव घेत आपले धाडसी रूपही दाखवले आहे. श्रुतीने तिथल्या स्थानिक कॉफीचा आनंद घेतला आणि त्या प्रक्रियेची माहितीही जाणून घेतली. प्रत्येक फोटोमध्ये श्रुतीचा आनंद ओसंडून वाहत असून, तिचा हा 'बाली फोटो डम्प' सध्या सोशल मीडियावर चांगलाच व्हायरल होत आहे. (सर्व फोटो सौजन्य: श्रुती मराठे/इन्स्टाग्राम)