Photos: 'जो इश्क हुआ' फेम श्रिया पिळगांवकरचा पिवळ्या ऑफ-शोल्डर ड्रेसमधील खास लूक

अभिनेत्री, दिग्दर्शिका आणि निर्माती अशी अष्टपैलू ओळख निर्माण करणाऱ्या श्रिया पिळगांवकरचा (Shriya Pilgaonkar) सोशल मीडियावर सध्या बोलबाला आहे. मराठी आणि हिंदी सिनेसृष्टीसह वेब सीरिजच्या विश्वात स्वतःचा स्वतंत्र ठसा उमटवल्यानंतर, श्रिया आता एका वेगळ्या रूपात प्रेक्षकांसमोर आली आहे. नुकतेच श्रियाचे 'जो इश्क हुआ' (Jo Ishq Hua Song) हे गाणं यूट्यूबवर प्रदर्शित झाले आहे. या गाण्यातील काही खास फोटो श्रियाने इन्स्टाग्रामवर शेअर केले आहेत. या फोटोंमध्ये श्रियाने पिवळ्या रंगाचा स्टायलिश ऑफ-शोल्डर डिझायनर ड्रेस परिधान केला आहे. पिवळ्या ऑफ-शोल्डर ड्रेसमधील लूकवर श्रियाने मोठे झुमके कानातले परिधान केले आहेत. ज्येष्ठ अभिनेते सचिन पिळगांवकर आणि सुप्रिया पिळगांवकर यांची कन्या असलेल्या श्रियाने आपल्या अभिनयाने अल्पावधीतच प्रेक्षकांच्या मनात घर केले आहे. (सर्व फोटो सौजन्य : श्रिया पिळगांवकर/इन्स्टाग्राम) (हेही पाहा : कोण आहे अपूर्वा गोरेचा होणारा नवरा? 'शाळा' चित्रपटाशी आहे त्याचं खास नातं!)