मेहंदी है रचनेवाली! मराठी अभिनेत्रीच्या हातावर रंगली होणाऱ्या नवऱ्याच्या नावाची मेहंदी; 'या' दिवशी बांधणार लग्नगाठ

टीव्ही विश्वातली लोकप्रिय जोडी अभिनेत्री साक्षी महाजन आणि अभिनेता अथर्व कर्वे लवकरच लग्नबंधनात अडकणार आहेत. येत्या ६ फेब्रुवारी रोजी दोघे लग्नबंधनात अडकणार असून दोघांच्या घरी लग्नाची लगबग सुरू आहे. याचे खास क्षण पाहायला मिळाले. साक्षी महाजनच्या घरी नुकताच घाणा आणि बांगड्या भरण्याचा सोहळा पार पडला. याचे फोटो तिने सोशल मीडियावर शेअर केले होते. अशातच आता साक्षीच्या हातावर होणारा नवरा म्हणजेच अथर्वच्या नावाची मेहंदी रंगली आहे. नुकताच अभिनेत्रीचा मेहंदी सोहळा पार पडला. मेहंदी सोहळ्यातील खास फोटो साक्षीने शेअर केले आहेत. या मेहंदी सोहळ्यासाठी साक्षीने मोरपिशी रंगाचा सुंदर ड्रेस, सुंदर दागिने असा लूक केला होता. सोशल मीडियावरील या फोटोंमधून साक्षीच्या हातावर सुंदर अशी मेहंदी रेखाटल्याचंदेखील पाहायला मिळत आहे. या फोटोंवर गिरिजा प्रभू, ऐश्वर्या शेट्येसह अनेक कलाकारांनी कमेंट्स केल्या आहेत. गेल्याच वर्षी एका मुलाखतीत साक्षीनं २०२६ मध्ये लग्न करणार असल्याचं म्हटलं होतं. त्यानंतर काही दिवसांनी साक्षीनं अथर्व कर्वेबरोबर लग्नगाठ बांधणार असल्याचं जाहीर केलं. साक्षी आणि अथर्व या दोघांनी त्यांच्या नावावरून लग्नासाठी #साATh असा युनिक हॅशटॅगदेखील करून घेतला आहे. दोघांचे चाहते या लग्नासाठी उत्सुक आहेत. दरम्यान, साक्षी महाजन ही स्टार प्रवाहवरील ‘कोण होतीस तू, काय झालीस तू’ या लोकप्रिय मालिकेतून प्रेक्षकांच्या भेटीला आली. काही दिवसांपूर्वीच या मालिकेने प्रेक्षकांचा निरोप घेतला. (फोटो सौजन्य : इन्स्टाग्राम/Harsh_Ahuja_Photography)