Photos: 'लग्नपंचमी' नाटकाच्या प्रमोशनसाठी अमृता खानविलकरचा डेनिम ड्रेसमधील खास लूक

लेखिका मधुगंधा कुलकर्णी आणि दिग्दर्शक निपुण धर्माधिकारी यांचे 'लग्नपंचमी' (Lagna Panchami Marathi Natak) हे नवंकोरं नाटक वर्षाच्या सुरुवातीलाच रंगभूमीवर दाखल झाले आहे. या नाटकात मराठी चित्रपटसृष्टीची लोकप्रिय अभिनेत्री अमृता खानविलकर (Amruta Khanvilkar) आणि स्वप्निल जोशी (Swapnil Joshi) ही जोडी मुख्य भूमिकेत पाहायला मिळत आहे. चित्रपट, मालिका, वेब सीरिज आणि रिॲलिटी शो अशा सर्व माध्यमांत आपली मोहोर उमटवल्यानंतर अमृता आता पहिल्यांदाच व्यावसायिक नाटकाच्या निमित्ताने रंगभूमीवर पदार्पण करत आहे. सध्या अमृता या नाटकाच्या प्रमोशनमध्ये व्यग्र असून, नुकतेच तिने डेनिम ड्रेसमधील (Denim Dress Look) काही फोटो सोशल मीडियावर शेअर केले आहेत. कारमध्ये बसून दिलेल्या अमृताच्या या खास पोज सध्या चाहत्यांचे लक्ष वेधून घेत आहेत. आपल्या अनुभवाबद्दल बोलताना अमृता म्हणाली, "नाटकाचा प्रत्येक प्रयोग हा एक वेगळा अनुभव असतो. रंगभूमीवरील तो जिवंत थरार अनुभवताना मला खूप मजा येत आहे." दिग्दर्शक निपुण धर्माधिकारी आणि निर्माती-लेखिका मधुगंधा कुलकर्णी यांनी स्पष्ट केले की, "या नाटकात प्रेक्षकांचे डोळे ओलावणारे मोजकेच प्रसंग आहेत; मात्र, त्या व्यतिरिक्त संपूर्ण नाटक प्रेक्षकांचे निखळ मनोरंजन करणारे आणि विनोदी धाटणीचे आहे." (सर्व फोटो सौजन्य : अमृता खानविलकर/इन्स्टाग्राम) (हेही पाहा : 'कमळी' फेम विजया बाबरचं काश्मीरच्या सोनमर्गमध्ये बर्फात सुंदर फोटोशूट)