Photos: 'लग्नाचा शॉट' चित्रपटातील प्रियदर्शिनी इंदलकरने शेअर केले काश्मीरमधील सुंदर फोटो

मराठी चित्रपटसृष्टीतील लोकप्रिय अभिनेत्री प्रियदर्शिनी इंदलकर (Priyadarshini Indalkar) सध्या तिच्या आगामी 'लग्नाचा शॉट' (Lagnacha Shot Marathi Movie) या चित्रपटामुळे चर्चेत आहे. 'लग्नाचा शॉट' हा चित्रपट येत्या ६ फेब्रुवारी २०२६ रोजी प्रेक्षकांच्या भेटीला येणार आहे. यानिमित्ताने प्रियदर्शिनीने इन्स्टाग्रामवर शेअर केलेल्या काश्मीरमधील फोटोंनी चाहत्यांचे लक्ष वेधून घेतले आहे. नैसर्गिक सौंदर्याची खाण असलेल्या आणि 'पृथ्वीवरील स्वर्ग' मानल्या जाणाऱ्या काश्मीरमध्ये या चित्रपटाचे काही विशेष भाग चित्रित झाले आहेत. या फोटोंमध्ये प्रियदर्शिनी गुलाबी रंगाच्या सुंदर जॉर्जेट साडीत दिसत असून, बर्फाच्छादित डोंगर आणि निसर्गरम्य वातावरणात तिचा हा लूक अधिकच खुलून दिसत आहे. प्रियदर्शिनीने या फोटोंना 'काश्मीरचं सौंदर्य IS अमर्याद' असे कॅप्शन दिले आहे. या चित्रपटात प्रियदर्शिनीबरोबर अभिनेता अभिजीत आमकर मुख्य भूमिकेत आहे. (सर्व फोटो सौजन्य : प्रियदर्शिनी इंदलकर/इन्स्टाग्राम) (हेही पाहा : ‘लग्नपंचमी’ नाटकाच्या प्रमोशनसाठी अमृता खानविलकरचा डेनिम ड्रेसमधील खास लूक)