Photos: 'रणपति शिवराय स्वारी आग्रा' चित्रपटाचा दिमाखदार प्रीमियर सोहळा; पाहा खास क्षण

छत्रपती शिवाजी महाराजांचा दैदिप्यमान इतिहास रुपेरी पडद्यावर जिवंत करणाऱ्या 'श्री शिवराज अष्टक' मालिकेतील सहावे सुवर्णपान म्हणजेच 'रणपति शिवराय स्वारी आग्रा' (Ranapati Shivray Swari Agra) हा चित्रपट प्रदर्शनासाठी सज्ज झाला आहे. नुकताच या चित्रपटाचा भव्य प्रीमियर सोहळा पार पडला असून, त्याचे खास क्षण सध्या सोशल मीडियावर चर्चेचा विषय ठरत आहेत. लेखक आणि दिग्दर्शक दिग्पाल लांजेकर (Digpal Lanjekar) यांनी 'शिवराज अष्टक' या संकल्पनेच्या माध्यमातून शिवकालीन इतिहास नव्या पिढीपर्यंत पोहोचवण्याचे शिवधनुष्य पेलले आहे. या मालिकेतील 'फर्जंद', 'फत्तेशिकस्त', 'पावनखिंड', 'शेर शिवराज' आणि 'सुभेदार' या पाचही चित्रपटांना प्रेक्षकांनी चांगला प्रतिसाद दिला आहे. आता या प्रवासातील थरारक अध्याय म्हणजेच महाराजांची 'आग्र्याहून सुटका' या चित्रपटातून उलगडणार आहे. प्रीमियर सोहळ्याला उपस्थित असलेल्या दिग्गज कलाकारांनी आणि मान्यवरांनी या चित्रपटाला शुभेच्छा दिल्या आहेत. "इतिहासातील हा सर्वात थरारक अध्याय मोठ्या पडद्यावर पाहणे हा एक वेगळा अनुभव असेल," असा विश्वास दिग्पाल लांजेकर यांनी व्यक्त केला आहे. (सर्व फोटो सौजन्य : अभिजीत श्वेतचंद्र/इन्स्टाग्राम) (हेही पाहा : 'लग्नाचा शॉट' चित्रपटातील प्रियदर्शिनी इंदलकरने शेअर केले काश्मीरमधील सुंदर फोटो)