सैफ अली खानपूर्वी अमृता सिंहनं 'या' प्रसिद्ध क्रिकेटरला केलेलं डेट; आता एकटीनं आयुष्य जगतेय अभिनेत्री

बॉलीवूडमधील ८०-९० च्या दशकात आपल्या अभिनयानं प्रेक्षकांची मनं जिंकणारी अभिनेत्री म्हणजे अमृता सिंह. अमृता सिंहचा आज वाढदिवस आहे. अमृतानं अमिताभ बच्चन यांच्यासारख्या अनेक लोकप्रिय कलाकारांबरोबर कामं केली आहेत. तिनं लोकप्रिय बॉलीवूड अभिनेता सैफ अली खानबरोबर लग्न केलेलं. सैफ व अमृता यांच्या लग्नानंतर त्यांना सारा अली खान व इब्राहिम अली खान अशी दोन मुलं झाली. दोघेही आता अभिनय क्षेत्रात सक्रिय आहेत. पण, तुम्हाला माहीत आहे का की, अमृता सैफशी लग्न करण्यापूर्वी प्रसिद्ध माजी क्रिकेटपटूला डेट करत होती. अमृता सिंह भारताचे माजी क्रिकेटपटू रवी शास्त्री यांना डेट करत होती. दोघांची प्रेमकहाणी त्या काळी बरीच गाजलेली; परंतु हे नातं काही पुढे गेलं नाही. रवी शास्त्री यांच्याबरोबरचं नातं तुटल्यानंतर अमृतानं पुढे सैफ अली खानशी लग्न केलं. परंतु, लग्नाच्या काही वर्षांनंतर अमृता व सैफ अली खान विभक्त झाले. सैफ अली खानबरोबरच्या घटस्फोटानंतर सारा व इब्राहिम अमृताबरोबरच राहिले. अमृतानं तिच्या दोन्ही मुलांना मोठं केलं. सारा व इब्राहिम आता त्यांच्या वडिलांबरोबरही अनेकदा पाहायला मिळतात. ते त्यांची सावत्र आई करीना कपूर खानबरोबरही अनेकदा कार्यक्रमांमध्ये उपस्थित असतात. अमृता सिंहबरोबर घटस्फोट घेतल्यानंतर सैफ अली खाननं काही वर्षांनंतर पुढे करीना कपूरशी लग्न केलं; परंतु अमृतानं घटस्फोटानंतर दुसरं लग्न केलं नाही. (सर्व फोटो : इन्स्टाग्राम)