निळाशार समुद्र, डिनर डेट अन्...; मराठी अभिनेता हनिमूनसाठी पोहोचला मालदीवला! पाहा फोटो

लोकप्रिय मराठी अभिनेता सिद्धार्थ खिरीड २३ जानेवारी २०२६ रोजी लग्नबंधनात अडकला. अभिनेत्याच्या पत्नीचं नाव डॉ. मैथिली भोसेकर असं आहे. सिद्धार्थ व मैथिली थाटामाटात लग्नसोहळा पार पडल्यावर हनिमूनसाठी मालदीवला गेले होते. मालदीव येथील सुंदर फोटो सिद्धार्थने सोशल मीडियावर शेअर केले आहेत. सिद्धार्थने शेअर केलेल्या फोटोंमध्ये निळाशार समुद्र, मालदीवमधील वॉटर व्हिलाची झलक पाहायला मिळत आहे. तसेच सिद्धार्थ-मैथिलीने त्यांच्या डिनर डेटची झलक सुद्धा चाहत्यांना दाखवली आहे. सिद्धार्थ व मैथिलीने मालदीवमधील समुद्रकिनारी सुंदर फोटोशूट केलं आहे. मैथिलीबद्दल सांगायचं झालं तर, ती सौंदर्यवती म्हणून ओळखली जाते. परदेशात पार पडलेल्या सौंदर्य स्पर्धेत तिने ‘मिस इंटरनॅशनल वर्ल्ड पेटिट २०२२-२०२३’ हा खिताब पटकावला होता. पॅरिस फॅशन वीकमध्ये सुद्धा मैथिली झळकली आहे. याशिवाय तिची पॅरिस फॅशन वीकसाठी सिग्नेचर मॉडेल म्हणून निवड झाली होती. सिद्धार्थने गेल्यावर्षी गोव्यात मैथिलीला लग्नाची मागणी घातली होती. मैथिलीला सरप्राइज देण्यासाठी अभिनेत्याने सुंदर प्लॅनिंग केलं होतं. यावेळी त्याने बॉलीवूड गाण्यांवर डान्स करत मैथिलीला फिल्मी स्टाइल प्रपोज केलं होतं. दरम्यान, सिद्धार्थच्या वर्कफ्रंटबद्दल सांगायचं झालं तर, ‘मुलगी झाली हो’, ‘फ्रेशर्स’, ‘जाऊबाई जोरात’, ‘हृदयी प्रीत जागते’, ‘मुरांबा’ अशा गाजलेल्या मालिकांमध्ये तो झळकला आहे. ( सर्व फोटो सौजन्य : सिद्धार्थ खिरीड इन्स्टाग्राम )