Photos: मंदार जाधवची फॅमिलीसोबत ‘इंदूर’ वारी; राजवाडा पॅलेससमोर टिपले खास क्षण!

लोकप्रिय मराठी अभिनेता मंदार जाधव सध्या आपल्या कुटुंबासोबत मध्य प्रदेशातील इंदूर शहरात सुट्यांचा आनंद घेत आहे. मंदारने नुकतेच आपल्या सोशल मीडिया अकाउंटवरून इंदूरच्या प्रसिद्ध 'राजवाडा' पॅलेससमोरचे काही सुंदर फोटो शेअर केले आहेत. 'डे टूर टू इंदूर' अशी कॅप्शन देत मंदारने या प्रवासातील खास क्षण आपल्या चाहत्यांसोबत सोशल मीडियावर शेअर केले. या फोटोंमध्ये मंदारसोबत त्याची पत्नी आणि मुलेदेखील अतिशय आनंदात दिसत असून, चाहत्यांनी या फोटोंवर लाइक्सचा वर्षाव केला आहे. रात्रीच्या वेळी विद्युत रोषणाईने उजळून निघालेल्या ऐतिहासिक राजवाड्याचे सौंदर्य मंदारच्या या फोटोंमध्ये प्रकर्षाने दिसून येत आहे. कामाच्या व्यग्र वेळापत्रकातून थोडा वेळ काढून मंदारने आपल्या लाडक्या कुटुंबाला या सहलीसाठी वेळ दिला आहे. सोशल मीडियावरील या पोस्टमध्ये मंदार एका स्टायलिश कॅप आणि लाल रंगाच्या जॅकेटमध्ये अतिशय देखणा दिसत आहे. मंदारने ‘सुख म्हणजे नक्की काय असतं’ आणि कोण होतीस तू काय झालीस तू’ या मालिकेत मुख्य भूमिका साकारल्या आहेत. (सर्व फोटो सौजन्य:मंदार जाधव/इन्स्टाग्राम)