पडद्यावर एकमेकींच्या शत्रू पण खऱ्या आयुष्यात घट्ट मैत्रिणी, दोन मराठमोळ्या अभिनेत्रींचं हिंदी मालिकेत वर्चस्व

मानसी साळवी व स्नेहा वाघ या मराठमोळ्या अभिनेत्री हिंदी टेलिव्हिजनवरील लोकप्रिय चेहरा आहेत. मानसी व स्नेहा यांनी आतापर्यंत अनेक हिंदी मालिकांमध्ये प्रमुख भूमिका साकारल्या आहेत. सध्या त्या 'कर्लस टीव्ही'वरील मालिकेत नायिकेच्या आणि खलनायिकेच्या भूमिकेत पाहायला मिळत आहेत. 'महादेव अँड सन्स' या मालिकेत या दोघी झळकत आहेत. मानसी यामध्ये भानू ही नकारात्मक भूमिका साकारत आहे तर स्नेहा विद्या ही सकारात्मक भूमिका साकारत आहे. मालिकेत दोघी सख्या बहिणी दाखवल्या असल्या तरी त्यांच्यामध्ये मोठा वाद आणि मतभेद असल्या कारणाने त्या एकमेकींपासून दुरावलेल्या असतात. परंतु, दोघींचं ऑफस्क्रीन एकमेकींशी खूप चांगला जमत असल्याचं दोघी शेअर असलेल्या फोटो व व्हिडीओमधून पाहायला मिळतं. आतासुद्धा स्नेहा वाघने एक पोस्ट शेअर केली आहे. ज्यामध्ये तिचे व मानसीचे एकमेकींबरोबरचे फोटो पाहायला मिळत आहेत. जे त्यांनी फिल्मसिटीत काढले आहेत. याला तिने आम्ही फक्त दिसत नाही तर ऑनस्क्रीन आणि ऑफस्क्रीन जगतोसुद्धा. मानसीसुद्धा अनेकदा स्नेहाबरोबरचे फोटो शेअर करत असते. त्यांच्या व्यतिरिक्त या मालिकेत इतरही काही लोकप्रिय कलाकार पाहायला मिळतात. मानसी व स्नेहा यांच्या हिंदी टेलिव्हिजनवरील कामाबद्दल बोलायचं झालं तर त्यांनी यापूर्वीसुद्धा अनेक हिंदी मालिकांमध्ये काम केलं आहे. ज्या हिंदी टेलीव्हिजनवरील लोकप्रिय मालिका ठरल्या आहेत. हिंदीसह दोघींही मराठीतही काम करत प्रेक्षकांची मनं जिंकली आहेत. स्नेहा वाघ तर 'बिग बॉस' मराठीतही झळकलेली. तर मानसीने मराठी चित्रपटातही नायिकेच्या भूमिका साकारल्या आहेत. (फोटो : इन्स्टाग्राम)