मोठी बाल्कनी, आकर्षक फर्निचर...; रेश्मा शिंदेचं सुंदर घर पाहिलंत का? 'या' फोटोंमध्ये दिसली झलक

'घरोघरी मातीच्या चुली', 'रंग माझा वेगळा' या मालिकांमुळे अभिनेत्री रेश्मा शिंदे घराघरांत लोकप्रिय झाली. रेश्माने सोशल मीडियावर नुकतेच काही फोटो शेअर केले आहेत. लाल रंगाच्या कॉर्सेट सूट लूकमध्ये रेश्मा खूपच सुंदर दिसतेय. हे फोटोशूट अभिनेत्रीने तिच्या राहत्या घरी केलं आहे. त्यामुळे रेश्माच्या घराची झलक या फोटोंमध्ये चाहत्यांना पाहायला मिळत आहे. रेश्माच्या घरातील हॉल खूपच प्रशस्त आहे. अभिनेत्रीच्या घरातील आकर्षक फर्निचरने सर्वांचं लक्ष वेधून घेतलं आहे. अभिनेत्रीच्या घरात पाळीव श्वान सुद्धा आहे. सोफा सेटच्या अगदी बाजूला रेश्माने शोभेची काही झाडं ठेवली आहेत. बाल्कनीत एन्ट्री घेण्यापूर्वी रेश्माच्या घरातील एक खास कॉर्नर सर्वांचं लक्ष वेधून घेतो. यामध्ये शोभेच्या अनेक वस्तू ठेवण्यात आल्या आहेत. रेश्माच्या घराची बाल्कनी खूपच मोठी अन् प्रशस्त आहे. इथून सुंदर व्ह्यू दिसतो...तिच्या बाल्कनीत छोटासा झोपाळा सुद्धा आहे. अभिनेत्रीच्या घरातील खुर्च्या संपूर्ण इंटिरिअरला एक रॉयल अन् स्टायलिश लूक देतात. रेश्माने यावर सुंदर फोटो काढला आहे. रेश्माने या फोटोंना "प्रियकरा माझ्या आयुष्यातली सर्वात सुंदर गोष्ट - तू आहेस" असं कॅप्शन देत यामध्ये नवरोबा पवनला टॅग केलं आहे. ( सर्व फोटो सौजन्य : रेश्मा शिंदे इन्स्टाग्राम )