अमृता खानविलकरचा गुलाबी चिकनकारी ड्रेसमधील नवा लूक; फोटो कॅप्शनने वेधले लक्ष

मराठी व हिंदी चित्रपटसृष्टीतील अष्टपैलू अभिनेत्री आणि नृत्यांगना अमृता खानविलकर (Amruta Khanvilkar) सध्या तिच्या नव्या फोटोशूटमुळे चर्चेत आली आहे. सोशल मीडियावर सक्रिय असलेल्या अमृताने नुकतेच तिचे काही नवीन फोटो शेअर केले आहेत, जे सध्या तुफान व्हायरल होत आहेत. या फोटोंमध्ये अमृताने गुलाबी रंगाचा चिकनकारी ड्रेस परिधान केला आहे. या ड्रेसवर अमृताने निवडलेले ऑक्सिडाइज्ड दागिने तिचे सौंदर्य अधिकच खुलवत आहेत. या फोटोंबरोबरच अमृताने दिलेल्या कॅप्शनने सर्वांचे लक्ष वेधले आहे. 'आज के मौसम का मूड' असे म्हणत तिने आपल्या भावना व्यक्त केल्या आहेत. अमृता सध्या तिच्या 'लग्नपंचमी' (Lagna Panchami) या नव्या नाटकामुळे व्यस्त आहे. लेखिका मधुगंधा कुलकर्णी आणि दिग्दर्शक निपुण धर्माधिकारी यांच्या मार्गदर्शनाखाली हे नाटक आकाराला आलं आहे. विशेष म्हणजे, या नाटकात प्रेक्षकांना स्वप्निल जोशी आणि अमृता खानविलकर यांची फ्रेश केमिस्ट्री पाहायला मिळत आहे. (सर्व फोटो सौजन्य : अमृता खानविलकर/इन्स्टाग्राम) (हेही पाहा : 'दो दिवाने शहर में' फेम मृणाल ठाकूरच्या अबोली लेहेंग्यातील दाक्षिणात्य लूकवर चाहते फिदा!)