Photos: ‘सुन री सखी, मेरी प्यारी सखी…’ सुखदा खांडकेकरच्या बांधणी टॉपमधील फोटोशूटची चर्चा!

अभिनेत्री सुखदा खांडकेकरने नुकतेच समुद्रकिनारी काढलेले तिचे काही ग्लॅमरस फोटो सोशल मीडियावर शेअर केले आहेत. अभिनेत्री सुखदा खांडकेकरने समुद्रकिनारी केशरी रंगाचा 'बांधणी' प्रिंट असलेला ग्लॅमरस हॉल्टर नेक टॉप परिधान करून चाहत्यांचे लक्ष वेधले आहे. पांढऱ्या रंगाची फ्लेअर्ड शरारा पॅन्ट आणि त्याला असलेली सोनेरी किनार सुखदाच्या या 'इंडो-वेस्टर्न' लूकला अधिकच उठावदार बनवत आहे. हातात घेतलेली पांढरी ओढणी आणि वाऱ्याने विखुरलेले केस यांमुळे सुखदाचे हे फोटोशूट सोशल मीडियावर सध्या प्रचंड चर्चेत आहे. समुद्रकिनाऱ्यावरील खडकांवर बसून दिलेली ही मनमोहक पोज सुखदाच्या सौंदर्यात आणि तिच्या नजाकतीत भर घालत आहे. अभिनयासोबतच सुखदा एक उत्तम शास्त्रीय नृत्यांगना असल्याने तिच्या प्रत्येक हालचालीत एक वेगळीच लयबद्धता दिसून येते. मराठी आणि हिंदी मनोरंजन सृष्टीत सुखदाने आपल्या कसदार अभिनयाने स्वतःची एक वेगळी ओळख निर्माण केली आहे. अभिनयाबरोबरच सुखदा तिच्या उत्कृष्ट साडी सेन्ससाठी ओळखली जाते. मात्र, यावेळी तिने या लूकमध्येही सर्वांना घायाळ केले आहे. (सर्व फोटो सौजन्य: सुखदा खांडकेकर/इन्स्टाग्राम)