Photos: विवादाच्या भोवऱ्यात 'सरके चुनर'! एका गाण्यासाठी नोरा फतेही घेते इतके मानधन?

बॉलिवूडची डान्सिंग क्वीन नोरा फतेही (Nora Fatehi) सध्या तिच्या एका गाण्यामुळे वादाच्या भोवऱ्यात सापडली आहे. 'केडी द डेव्हिल' (KD The Devil) या आगामी चित्रपटातील 'सरके चुनर' या गाण्यावर सोशल मीडियातून सध्या टीकेची झोड उठत असून, त्यावर बंदी घालण्याची मागणी केली जात आहे. या गाण्याचे शब्द आणि कोरिओग्राफी अश्लील असल्याचा आरोप नेटकऱ्यांकडून केला जात आहे. विशेष म्हणजे, खुद्द नोरा फतेहीने देखील या प्रकरणावर आपली नाराजी व्यक्त केली आहे. नोराच्या म्हणण्यानुसार, तिने हे गाणे मूळतः कन्नड भाषेत चित्रित केले होते. मात्र, निर्मात्यांनी तिची कोणतीही परवानगी न घेता या गाण्याचे हिंदीत चुकीच्या पद्धतीने भाषांतर केले, असा गंभीर आरोप तिने केला आहे. या वादाच्या निमित्ताने नोरा फतेहीच्या मानधनाचीही जोरदार चर्चा रंगली आहे. मिळालेल्या माहितीनुसार, नोरा बॉलिवूडमधील सर्वात महागड्या आयटम साँग परफॉर्मर्सपैकी एक आहे. नोरा एका गाण्यासाठी साधारणपणे १ ते २ कोटी रुपये मानधन घेते, असे म्हटले जाते. (सर्व फोटो सौजन्य : नोरा फतेही/इन्स्टाग्राम) (हेही पाहा : 'मी सावित्रीबाई जोतीराव फुले' मालिकेतील मधुराणी गोखलेचं केशरी साडीत फोटोशूट)