Photos: ‘आली ठुमकत नार…’ नऊवारी साडीत प्रिया बापटचा मराठमोळा तोरा; पाहा सुंदर फोटो!

मराठी चित्रपटसृष्टीतील अतिशय सुंदर अभिनेत्री प्रिया बापट हिने आपल्या अदांनी पुन्हा एकदा चाहत्यांना घायाळ केले आहे. प्रियाचे चित्रपट आणि नाटके नेहमीच प्रेक्षकांच्या पसंतीस उतरतात आणि ती आपल्या कसदार अभिनयासाठी ओळखली जाते. तिने नुकतेच आपले पारंपरिक अंदाजात काही खास फोटो शेअर केले असून, तिची ही स्टाईल सोशल मीडियावर व्हायरल झाली आहे. या फोटोंमध्ये प्रियाने आकाशी निळ्या रंगाची नऊवारी साडी परिधान केली असून, त्यात तिचे सौंदर्य अधिकच खुलून दिसत आहे. गळ्यात सोन्याचा जड साज, कानात झुमके व कपाळावर छोटी टिकली, असा तिचा हा मराठमोळा साज अतिशय देखणा वाटत आहे. तिने या लूकवर मोजकी ज्वेलरी आणि साजेसा मेकअप केला असून, तिचा हा नऊवारी साडीतील तोरा सर्वांचे लक्ष वेधून घेत आहे. अभिनयासोबतच प्रिया आपल्या फिटनेस आणि वर्कआऊटसाठी नेहमीच चर्चेत असते आणि चाहत्यांना प्रेरणा देत असते. मराठीच नाही, तर हिंदी वेब सीरिजमध्येही प्रियाने आपल्या अभिनयाचा मोठ्या प्रमाणात ठसा उमटवला असून, तिचे नाव घराघरात पोहोचले आहे. (सर्व फोटो साभार- प्रिया बापट इन्स्टाग्राम)