२ वर्षांनी मालिका संपली! आता 'या' ठिकाणी एकत्र पोहोचले सगळे कलाकार, मुख्य अभिनेत्रीने शेअर केले फोटो...

'स्टार प्रवाह' वाहिनीवर दोन वर्षे अधिराज्य गाजवणाऱ्या 'साधी माणसं' मालिकेने नुकताच प्रेक्षकांचा निरोप घेतला. शूटिंगच्या शेवटच्या दिवशी सगळेच कलाकार भावुक झाले होते. आता मालिका संपल्यावर हे सगळे कलाकार एकत्र एन्जॉय करण्यासाठी फिरायला गेले आहेत. 'साधी माणसं' मालिकेची टीम शूट संपल्यावर पनवेल येथील एका अॅग्रो फार्ममध्ये पोहोचली आहे. मुख्य नायिका अभिनेत्री शिवानी बावकरने हे खास फोटो सोशल मीडियावर शेअर केले आहेत. शिवानी या फोटोंच्या कॅप्शनमध्ये लिहिते, "जेव्हा साधी माणसं...साध्या नव्हे तर स्पेशल आऊटिंगसाठी बाहेर जातात." शिवानीने शेअर केलेल्या फोटोंमध्ये मालिकेतील सगळ्या कलाकारांची झलक पाहायला मिळतेय. ‘साधी माणसं’ मालिकेचा पहिला एपिसोड मार्च २०२४ मध्ये ऑन एअर झाला होता. आता बरोबर दोन वर्षांनी या मालिकेने सर्वांचा निरोप घेतलाय. ‘साधी माणसं’ या मालिकेला प्रेक्षकांचं भरभरून प्रेम मिळालं. यामध्ये लोकप्रिय अभिनेत्री शिवानी बावकर आणि अभिनेता आकाश नलावडे यांच्या प्रमुख भूमिका होत्या. या दोघांनी साकारलेली सत्या-मीराची जोडी प्रेक्षकांना खूपच आवडली. 'साधी माणसं' मालिकेत शिवानी-आकाशसह सुप्रिया पाठारे, पंढरीनाथ कांबळे, पंकज खामकर, प्रशांत चौडप्पा, प्रतिभा गायकवाड, मोनिका यांसारखे बरेच कलाकार झळकले आहेत. ( सर्व फोटो सौजन्य : शिवानी बावकर इन्स्टाग्राम )