कुणीतरी येणार येणार गं…; प्रसिद्ध अभिनेत्री ३७ व्या वर्षी होणार आई, पहिल्यांदाच दाखवला बेबी बंप

लोकप्रिय टीव्ही अभिनेत्री सुरभी ज्योती लवकरच आई होणार आहे. सध्या सुरभी तिच्या पहिल्या गरोदरपणाचा आनंद घेत आहे. सुरभी सोशल मीडियावर आपल्या बेबी बंपचे फोटो शेअर करते. अशातच अभिनेत्रीने नुकतेच काही खास फोटो शेअर केले आहेत. शेअर केलेल्या या फोटोंमध्ये सुरभीने पांढरा मिनी ड्रेस परिधान केल्याचे पहायला मिळत आहे. यात ती खूपच सुंदर दिसत आहे. अभिनेत्रीने बेबी बंप दाखवत अनेक पोझ दिल्या आहेत. या फोटोंमधून तिच्या चेहऱ्यावरील प्रेग्नन्सीचा आनंदही दिसत आहे. सुरभीने शेअर केलेले फोटो सोशल मीडियावर चांगलेच व्हायरल होत आहेत. चाहत्यांनीसुद्धा या फोटोंना चांगलाच प्रतिसाद दिलाय सुरभीने ११ रोजी फेब्रुवारी इन्स्टाग्रामवर नवरा आणि तिच्या पायांमध्ये छोट्या बाळाचे बूट ठेवलेला फोटो शेअर केला होता. या फोटोसह सुरभीने आमच्या आयुष्यातील सर्वांत सुंदर प्रवास आता सुरू होत असल्याचे म्हणत आनंद व्यक्त केला होता. काही काळापासून सुरभी सोशल मीडियावर फारशी सक्रिय नव्हती. आता तिनं स्वतःच यामागचं कारण सांगितलं आहे. सुरभीनं ‘कुबूल है’, ‘नागिन’, ‘गुनाह’, ‘कोई लौट के आया है’ यांसारख्या लोकप्रिय मालिकांमध्ये काम केले आहे. त्याशिवाय सुरभी ‘इक कुडी पंजाब दी’, ‘रौला पै गया’, ‘क्या मेरी सोनम गुप्ता बेवफा है?’यांसारख्या चित्रपटांतही झळकली आहे. (सर्व फोटो : इन्स्टाग्राम)