Photos: लग्नाच्या ४ वर्षांनंतर ‘नागीण’ फेम अभिनेत्रीने दिली गुड न्यूज; सोशल मीडियावर फोटोंची चर्चा!

अभिनेत्री करिश्मा तन्ना सध्या तिच्या प्रेग्नेंसीमुळे चर्चेत आहे. टीव्ही आणि ओटीटीवर अभिनयाची जादू दाखवणारी करिश्मा लवकरच आई होणार आहे. करिश्माने इन्स्टाग्रामवर पोस्ट शेअर करत चाहत्यांना ही गोड बातमी दिली. लग्नाच्या ४ वर्षांनंतर तिच्या घरात पाळणा हलणार आहे. वयाच्या ४२ व्या वर्षी करिश्मा आई होणार आहे. पती वरुण बंगेरा आणि ती आपल्या पहिल्या बाळाच्या स्वागतासाठी प्रचंड उत्सुक आहेत. सोशल मीडियावर तिने आपले मॅटर्निटी फोटोशूट शेअर केले आहे. या फोटोंमध्ये करिश्माचा 'प्रेग्नेंसी ग्लो' स्पष्टपणे दिसून येत आहे. "एक छोटा चमत्कार आणि आमचे सर्वात मोठे गिफ्ट ऑगस्ट २०२६ मध्ये येणार आहे," असे कॅप्शन तिने या पोस्टला दिले आहे. फोटोंमध्ये छोट्या बाळाचे शूज आणि करिश्माचे पाळीव श्वानही दिसत आहेत. हे क्युट फोटोशूट सध्या खूप व्हायरल होत आहे. करिश्मा गेल्या दोन दशकांपासून मनोरंजन विश्वात सक्रिय आहे. तिने अनेक गाजलेल्या मालिका आणि चित्रपटांमध्ये काम केले आहे. ‘कही तो मिलेंगे’ ते ‘नागिन ३’ पर्यंतचा तिचा प्रवास प्रेक्षकांच्या स्मरणात आहे. आता ती वैयक्तिक आयुष्यातील एका नव्या वळणावर आहे. (सर्व फोटो साभार- करिश्मा तन्ना इन्स्टाग्राम)