Photos: तेजस्विनी की मनस्विनी? ‘लपंडाव’फेम रूपाली भोसलेच्या निळ्या साडीतील फोटोंनी वेधले लक्ष

स्टार प्रवाह वाहिनीवरील ‘लपंडाव’ मालिका सध्या प्रेक्षकांना खूपच मोठ्या प्रमाणात आहे.. या मालिकेतील लोकप्रिय अभिनेत्री रूपाली भोसले सध्या सकारात्मक आणि नकारात्मक अशा दोन्ही छटा असलेल्या दुहेरी भूमिका साकारताना दिसत आहे. रूपाली या मालिकेत तेजस्विनी (सखीची खरी आई) आणि मनस्विनी (सरकार) अशा दोन परस्परविरोधी पात्रांना न्याय देत आहे. मालिकेत तेजस्विनी आणि मनस्विनी या सख्ख्या बहिणी दाखवण्यात आल्या आहेत, ज्यांच्या स्वभावात जमीन-अस्मानाचा फरक आहे. रूपालीने नुकतेच तेजस्विनी या पात्राच्या लूकमधील निळ्या साडीतील काही खास फोटो सोशल मीडियावर शेअर केले आहेत. या फोटोंना तिने एक खास कॅप्शन दिली आहे: "शेवटचा फोटो माझा सर्वांत आवडता आहे. मला वाटलं होतं की, फोटोशूट संपलंय; पण कॅमेरामननं माझा हा कॅंडिड क्षण अचूक टिपला!" तेजस्विनीचा हा साधा-भोळा लूक सध्या प्रेक्षकांच्या विशेष पसंतीस उतरताना दिसत आहे. एकाच वेळी सोज्वळ 'तेजस्विनी' आणि करारी ‘मनस्विनी’ अशा दोन भूमिकांमधील रूपालीचे अभिनयकौशल्य प्रेक्षकांना थक्क करीत आहे. (सर्व फोटो साभार- रूपाली भोसले इन्स्टाग्राम)