Sonalee Kulkarni: साडी, दागिने अन् केसात गजरा; अक्षय तृतीयेला सोनालीचा खास लूक

सोनाली कुलकर्णी मराठी सिनेसृष्टीतील लोकप्रिय अभिनेत्री आहे. तिने आतापर्यंत अनेक चित्रपटांत काम केलं आहे. सोनाली कुलकर्णी अलीकडेच आलेल्या 'तिघी' या चित्रपटातून झळकली. या चित्रपटाला प्रेक्षकांचा चांगला प्रतिसाद मिळाला. सोनाली सोशल मीडियावर खूप सक्रिय असते आणि तिच्या दैनंदिन जीवनातील घडामोडी ती शेअर करत असते. सोनाली अशातच अक्षय तृतीयाच्या निमित्ताने इन्स्टाग्रामवर पारंपरिक अंदाजातील खास फोटो शेअर केले आहेत. सोनालीने राखाडी रंगाच्या साडीमधील सुंदर फोटो शेअर केले आहेत. या फोटोंना तिने 'अक्षय्य तृतीयेच्या हार्दिक शुभेच्छा' अशी कॅप्शन दिली आहे. सोनालीने यावेळी सुंदर प्लेन राखाडी रंगाची साडी नेसली आहे. जिला निळ्या रंगाची बॉर्डर आहे. यावर तिने निळ्या रंगाचा नक्षीदार ब्लाऊज परिधान केला आहे. सोनालीने या राखाडी रंगाच्या आकर्षक साडीवर डिझायनर दागिने परिधान केले आहेत. गळ्यात सुंदर असा चोकर आणि कानामध्ये त्यावर साजेसे कानातले परिधान केले आहेत. सोनालीने सिंपल मेकअप केला असून त्यावर निळ्या रंगाची टिकली लावली आहे. शेवटी अभिनेत्रीने यावेळी केसांमध्ये गजरा माळत हा लूक पूर्ण केला आहे. (सर्व फोटो : इन्स्टाग्राम)