"शब्दांत सांगता येणार नाही..." रुपेश बनेने शेअर केले 'राजा शिवाजी' चित्रपटाच्या सेटवरील खास क्षण!

रितेश देशमुख दिग्दर्शित 'राजा शिवाजी' (Raja Shivaji) हा चित्रपट सध्या बॉक्स ऑफिसवर आणि प्रेक्षकांच्या मनावर अधिराज्य गाजवत आहे. या ऐतिहासिक महापटात छत्रपती शिवाजी महाराजांची भूमिका साकारणारा अभिनेता रुपेश बनेने (Rupesh Bane) नुकतेच सेटवरील काही खास फोटो सोशल मीडियावर शेअर केले आहेत. हे फोटो शेअर करताना रुपेशने आपल्या भावनांना वाट मोकळी करून दिली. तो म्हणाला, "या चित्रपटाचा एक छोटासा भाग असणे ही माझ्या संपूर्ण कुटुंबासाठी आणि मित्रपरिवारासाठी अभिमानाची गोष्ट आहे." "माझ्या भावना व्यक्त करायला आज शब्द अपुरे पडत आहेत. मी अत्यंत भावूक झालो असून मला तितकाच अभिमानही वाटत आहे." "तुमचे प्रेम आणि आशीर्वाद असेच पाठीशी राहू द्या. जय शिवराय!" १ मे रोजी मराठी आणि हिंदी अशा दोन्ही भाषांमध्ये प्रदर्शित झालेल्या या चित्रपटाला समीक्षकांकडून संमिश्र प्रतिसाद मिळाला असला, तरी प्रेक्षकांनी मात्र चित्रपटगृहांबाहेर मोठी गर्दी केली आहे. केवळ महाराष्ट्रच नव्हे, तर राज्याबाहेरही या चित्रपटाला उदंड प्रतिसाद मिळत असल्याचे पाहायला मिळत आहे. (सर्व फोटो सौजन्य : रुपेश बने/इन्स्टाग्राम) (हेही पाहा : इंदुरीकर महाराजांच्या कन्येचा शाही विवाहसोहळा; मुख्यमंत्र्यांसह 'या' दिग्गज नेत्यांची हजेरी)