Photos: वैदेही परशुरामीचा जांभळ्या वेलवेट ड्रेसमध्ये ग्लॅमरस अंदाज; 'नाफा' महोत्सवातील फोटोंनी वेधलं लक्ष

उत्तर अमेरिकेतील सर्वांत मोठा मराठी चित्रपट महोत्सव म्हणून ओळखल्या जाणाऱ्या 'नाफा' मराठी आंतरराष्ट्रीय चित्रपट महोत्सव २०२५ (NAFA - Marathi International Film Festival 2025) सोहळ्याचे पडघम अजूनही सोशल मीडियावर उमटताना दिसत आहेत. लोकप्रिय मराठी अभिनेत्री वैदेही परशुरामीने (Vaidehi Parashurami) नुकतेच या महोत्सवातील तिचे काही खास फोटो शेअर करत जुन्या आठवणींना उजाळा दिला आहे. वैदेहीने हे फोटो शेअर करताना 'Major Throwback' असे कॅप्शन दिले आहे. या सोहळ्यासाठी वैदेहीने गडद जांभळ्या रंगाचा डिझायनर वेलवेट ड्रेस परिधान केला होता. वैदेहीच्या या ग्लॅमरस लूकवर चाहत्यांनी पसंतीची पावती दिली आहे. हा महोत्सव केवळ ग्लॅमरपुरता मर्यादित नव्हता, तर यात मराठी चित्रपटांचे जागतिक प्रीमियर, लघुपट स्क्रीनिंग आणि सिनेसृष्टीतील दिग्गजांशी संवाद साधण्याची सुवर्णसंधी प्रेक्षकांना मिळाली होती. वैदेही केवळ तिच्या सौंदर्यासाठीच नाही, तर तिच्या स्पष्टवक्तेपणासाठी आणि साध्या राहणीमानासाठीही चाहत्यांच्या मनावर अधिराज्य गाजवते. (सर्व फोटो सौजन्य : वैदेही परशुरामी/इन्स्टाग्राम) (हेही पाहा : नम्रता संभेरावची प्रसाद खांडेकरसाठी खास पोस्ट; दाक्षिणात्य लूकसह दिल्या वाढदिवसाच्या शुभेच्छा!)