Photos: ‘हिरवी नऊवारी, पारंपरिक दागिने…’; भाग्यश्रीच्या जिजाऊंच्या रूपातील या खास फोटोंची चर्चा

अभिनेत्री भाग्यश्री सध्या सोशल मीडियावर जबरदस्त सक्रिय असून, तिच्या एका नव्या लूकमुळे ती मोठ्या प्रमाणात चर्चेत आली आहे. रितेश देशमुख दिग्दर्शित बहुप्रतीक्षित ‘राजा शिवाजी’ चित्रपटात भाग्यश्री राजमाता जिजाऊंची ऐतिहासिक भूमिका साकारत आहे. भाग्यश्रीने जिजाऊंच्या भूमिकेतील आपले नवीन फोटो शेअर केले असून, त्यामध्ये ती अत्यंत प्रभावशाली दिसत आहे. या फोटोंमध्ये भाग्यश्रीने गडद हिरव्या रंगाची नऊवारी साडी परिधान केली असून, त्यावर लाल रंगाचा पदर तिचे सौंदर्य अधिक खुलवत आहे. तिने परिधान केलेले पारंपरिक दागिने, विशेषतः ठुशी, कोल्हापुरी साज आणि नथ तिच्या राजमातेच्या लूकला पूर्णत्व देत आहेत. या लूकसाठी तिने घातलेले सुवर्णालंकार आणि कपाळावरील कुंकू तिच्या व्यक्तिमत्वात एक वेगळाच दरारा निर्माण करीत आहे. भाग्यश्रीने याआधी ‘मैने प्यार किया’सारख्या सुपरहिट चित्रपटाद्वारे घराघरात आपली ओळख निर्माण केली होती. तिच्या या नव्या भूमिकेमुळे प्रेक्षकांना पुन्हा एकदा तिचा अभिनय मोठ्या पडद्यावर, पण एका वेगळ्या ऐतिहासिक रूपात पाहायला मिळणार आहे. (सर्व फोटो सौजन्य: भाग्यश्री/इन्स्टाग्राम)