Photos: 'सहकुटुंब सहपरिवार' फेम कोमल कुंभारचं राखाडी साडीतील फोटोशूट चर्चेत

स्टार प्रवाहवरील लोकप्रिय मालिका 'सहकुटुंब सहपरिवार' (Sahkutumb Sahparivar) मधून घराघरांत पोहोचलेली अभिनेत्री कोमल कुंभार (Komal Kumbhar) सध्या तिच्या एका खास फोटोशूटमुळे चर्चेत आली आहे. सोशल मीडियावर कोमलच्या साडीतील सौंदर्याची जोरदार चर्चा रंगली असून, चाहत्यांनी तिच्या या लूकवर पसंतीची पावती दिली आहे. या फोटोशूटसाठी कोमलने राखाडी रंगाची साडी आणि त्यावर मरून रंगाचा कॉन्ट्रास्ट ब्लाऊज परिधान केला आहे. साडीला साजेसे पारंपारिक दागिने आणि केसांची सुंदर वेणी घालून कोमलने आपला लूक पूर्ण केला आहे. अतिशय हलका मेकअप करत कोमलने तिचे नैसर्गिक सौंदर्य जपले आहे. कोमलने केवळ 'सहकुटुंब सहपरिवार'च नव्हे, तर 'अबोली' या मालिकेतूनही आपल्या अभिनयाची चुणूक दाखवली आहे. मागील वर्षी, २५ नोव्हेंबर २०२५ रोजी तिने अभिनेता, लेखक आणि दिग्दर्शक गोकुळ दशवंत यांच्याशी विवाहगाठ बांधली. (सर्व फोटो सौजन्य : कोमल कुंभार/इन्स्टाग्राम) (हेही पाहा : रिंकू राजगुरू व आकाश ठोसर पुन्हा एकत्र; फोटो शेअर करत म्हणाली, 'आम्ही भेटलो...')