नवराई माझी लाडाची! ज्ञानदाचं नाजूक मंगळसूत्र पाहिलंत का? पतीपेक्षा 'इतक्या' वर्षांनी लहान आहे अभिनेत्री

‘लग्नानंतर होईलच प्रेम’ या मालिकेतील काव्या म्हणजेच प्रेक्षकांची लाडकी अभिनेत्री ज्ञानदा रामतीर्थकर नुकतीच विवाहबंधनात अडकली आहे. ज्ञानदाचा पती हर्षद आत्माराम सिनेमॅटोग्राफर, DOP आहे. ज्ञानदा-हर्षदच्या लग्नाचे फोटो सध्या सोशल मीडियावर तुफान व्हायरल होत आहेत. "प्रेमाची गोष्ट..." असं कॅप्शन देत ज्ञानदाने हे फोटो शेअर केले आहेत. मजंठा कलरची अन् त्याला सोनेरी काठ असलेली नऊवारी साडी, डिझायनर कर्णफुलं, हातात हिरव्या बांगड्यांचा चुडा, गळ्यात मोत्याचा हार, नाकात नथ आणि कपाळी चंद्रकोर या लूकमध्ये ज्ञानदा खूपच गोड दिसत होती. ज्ञानदाच्या या मराठमोळ्या वेडिंग लूकचं सर्वत्र भरभरून कौतुक करण्यात येत आहे. ज्ञानदाच्या मंगळसूत्राच्या साध्या व सुंदर अशा डिझाइनने सर्वांचं लक्ष वेधून घेतलं आहे. यामध्ये काळे मणी अन् दोन डवल्या आहेत. ज्ञानदाच्या पारंपरिक मंगळसूत्राला खास मॉर्डन टच देण्यात आला आहे. अभिनेत्रीने परंपरेनुसार माहेर व सासरकडची अशी दोन मंगळसूत्र घातली आहेत. ज्ञानदा हर्षदपेक्षा ७ वर्षांनी लहान आहे. या दोघांची पहिली भेट शॉर्ट फिल्मच्या शूटिंगदरम्यान झाली होती. २०१९ मध्ये हर्षदने ज्ञानदाला लग्नासाठी विचारलं होतं. आता रिलेशनशिपला सहा-सात वर्षे पूर्ण झाल्यावर हे दोघंही लग्नबंधनात अडकले आहेत. ( सर्व फोटो सौजन्य : sevenvowstories आणि ज्ञानदा रामतीर्थकर इन्स्टाग्राम )