'देऊळ बंद २' आज चित्रपटगृहात दाखल; संस्कृती बालगुडेने शेअर केले सेटवरील खास फोटो!

दिग्दर्शक प्रविण तरडे (Pravin Tarde) यांचा बहुप्रतिक्षित 'देऊळ बंद २' (Deool Band 2 Movie) हा चित्रपट आज (२१ मे) अखेर प्रेक्षकांच्या भेटीला आला आहे. २०१५ मध्ये प्रदर्शित झालेल्या 'देऊळ बंद' (Deool Band Movie) हा चित्रपट प्रेक्षकांना आवडला होता. त्यानंतर आता तब्बल १० वर्षांनी या चित्रपटाचा सिक्वेल (दुसरा भाग) रुपेरी पडद्यावर दाखल झाला आहे. या चित्रपटात एक शेतकरी महिला थेट देवाची परीक्षा घेताना दिसणार आहे. शेतकऱ्यांची सद्यस्थिती, दुष्काळ आणि शेतकरी आत्महत्या यांसारख्या अत्यंत गंभीर व संवेदनशील प्रश्नांवर ही महिला देवाला जाब विचारताना यात पाहायला मिळेल. दरम्यान, चित्रपटात महत्त्वपूर्ण भूमिका साकारणाऱ्या मराठीतील आघाडीची अभिनेत्री संस्कृती बालगुडेने (Sanskruti Balgude) सोशल मीडियावर चित्रपटाच्या सेटवरील काही खास फोटो शेअर केले आहेत. याही भागात ज्येष्ठ अभिनेते मोहन जोशी यांनी 'श्री स्वामी समर्थांची' मध्यवर्ती भूमिका साकारली आहे. (सर्व फोटो सौजन्य : संस्कृती बालगुडे/इन्स्टाग्राम) (हेही पाहा : 'नथीशिवाय शृंगार हा अपूर्णच'; 'महाराष्ट्राची हास्यजत्रा' फेम चेतना भटच्या नव्या फोटोशूटची चर्चा)