Photos: सोनाली कुलकर्णीने पतीबरोबर ‘या’ देशात साजरा केला वाढदिवस, रोमँटिक फोटो व्हायरल

मराठी चित्रपटसृष्टीची ‘अप्सरा’ म्हणजेच अभिनेत्री सोनाली कुलकर्णी हिने नुकताच तिचा वाढदिवस साजरा केला. १८ मे रोजी अभिनेत्रीने तिचा वाढदिवस उत्साहात साजरा केला असून सध्या ती तिच्या पतीसोबत सुट्ट्यांचा आनंद घेत आहे. सोनाली कुलकर्णी आणि तिचा पती कुणाल बेनोडेकर हे दोघेही सध्या क्रोएशियामधील ‘ह्वार’ (Hvar) या सुंदर बेटावर फिरताना दिसत आहेत. या फोटोंमध्ये सोनाली आणि कुणालची रोमँटिक केमिस्ट्री नेटकऱ्यांचे लक्ष वेधून घेत आहे. शेअर केलेल्या एका फोटोमध्ये हे क्यूट कपल एड्रियाटिक समुद्राच्या बॅकग्राउंडवर एकमेकांना किस करताना दिसत आहे. तसेच एका फोटोत सोनाली लाल रंगाचे ट्रॅक जॅकेट, पांढरी कॅप घालून निसर्गाचा आनंद घेताना पाहायला मिळत आहे. हे फोटो शेअर करताना सोनालीने कॅप्शनमध्ये लिहिले आहे, “विश्वास करा, आम्ही फक्त इथे पोझ देत आहोत, सिंगापूरच्या मुलींच्या एका ग्रुपला आमचा एकत्र फोटो काढायला सांगितला आणि त्यांनी आमच्याकडून हे करून घेतलं.” सोनालीच्या या फोटोंवर चाहत्यांनी आणि अनेक कलाकारांनी लाईक्स व कमेंट्सचा वर्षाव केला आहे. (सर्व फोटो सौजन्य: सोनाली कुलकर्णी /इन्स्टाग्राम)