Photos: मनालीच्या बर्फात समृद्धी केळकरचा अनोखा अंदाज; फोटो व्हायरल

स्टार प्रवाह वाहिनीवरील ‘हळद रुसली कुंकू हसलं’ ही मालिका सध्या प्रेक्षकांच्या चांगलीच पसंतीस उतरत आहे. या लोकप्रिय मालिकेत अभिनेत्री समृद्धी केळकर ही ‘कृष्णा’ ही मुख्य भूमिका अतिशय उत्तमरीत्या साकारत आहे. मालिकेच्या व्यग्र वेळापत्रकातून वेळ काढत समृद्धीने तिच्या चाहत्यांसाठी सोशल मीडियावर काही खास फोटो शेअर केले आहेत. समृद्धीने शेअर केलेले हे फोटो तिच्या मनाली ट्रिपदरम्यानचे असून तिने या आठवणींना ‘Snowy throwback’ अशी कॅप्शन दिली आहे. समृद्धी निळ्या विंटर सूटमध्ये हवेत बर्फ उडवून आनंद साजरा करताना दिसत आहे. तिने सुंदर मफलर परिधान केला असून ती मनालीच्या निसर्गाचा आनंद घेत आहे. ती बर्फाच्छादित टेकड्यांच्या पार्श्वभूमीवर दोन्ही हात उंचावून आनंदाने पोझ देत आहे. मनालीच्या या थंडगार आणि सुंदर वातावरणातील समृद्धीचा हा हटके अंदाज तिच्या चाहत्यांना खूप आवडला आहे. (सर्व फोटो सौजन्य: समृद्धी केळकर/इन्स्टाग्राम)