-
मुंबईतील डिजिटल कंटेंट क्रिएटर लीशा पाटीदार २०२० पासून सोशल मीडियावर व्हिडीओ बनवत आहे. मात्र, फिफा २०२६ च्या मालिकेमुळे तिच्या लोकप्रियतेने एक नवी उंची गाठली आहे.
-
९ जूनपासून सुरू झालेल्या या मालिकेमुळे अवघ्या १५ दिवसांत लीशाच्या फॉलोअर्समध्ये २ लाख ७० हजारांची मोठी वाढ झाली आहे.
-
मेकअपचे अनोखे रूप, आंतरराष्ट्रीय फुटबॉलपटूंची नावे आणि आकर्षक संगीत यांचा मेळ घालत तयार केलेले तिचे व्हिडीओ लाखो लोकांपर्यंत पोहोचले आहेत.
-
या वर्षाच्या सुरुवातीला अहमदाबादमध्ये क्रिकेट सामना पाहत असताना एका संघाचे गीत ऐकून तिला फिफादरम्यान अशी काहीतरी कल्पक मालिका तयार करण्याची कल्पना सुचली होती.
-
जगभरातील फुटबॉल चाहत्यांनी तिच्या व्हिडीओंवर मोठ्या प्रमाणात प्रतिक्रिया देण्यास सुरुवात केल्यावर आपली ही मालिका प्रचंड यशस्वी झाल्याचे तिच्या लक्षात आले.
-
२४ वर्षीय लीशाचे सोशल मीडियावरील फॉलोअर्स आता ११ लाखांवर पोहोचले असून, तिला केवळ एक व्हिडीओ तयार करण्यासाठी जवळपास १२ तास लागतात.
-
फिफा स्पर्धेत भारताचा संघ खेळत नसला तरीही, चाहत्यांनी तिच्याकडे भारतीय फुटबॉल संघावर व्हिडीओ बनवण्याची जोरदार मागणी केली होती.
-
चाहत्यांच्या आग्रहास्तव बनवलेल्या भारतीय संघाच्या या विशेष व्हिडीओला सोशल मीडियावर काही वेळातच १० लाखांपेक्षा जास्त लोकांनी पाहिले.
-
या मालिकेच्या निमित्ताने तिला अमेरिकेतील मायामी येथे २७ जून रोजी झालेला पोर्तुगाल विरुद्ध कोलंबिया हा सामना प्रत्यक्ष पाहण्याची सुवर्णसंधी मिळाली.
-
लहानपणापासून भावांमुळे फुटबॉलची आवड असलेल्या लीशाला मैदानावर क्रिस्टियानो रोनाल्डोला प्रत्यक्ष खेळताना पाहण्याचे तिचे मोठे स्वप्न पूर्ण करता आले. (सर्व फोटो सौजन्य: लीशा पाटीदार/इन्स्टाग्राम)
Kalyan News: कल्याणच्या शाळेतील बेपत्ता मुली राजस्थानातील मारवाड रेल्वे स्थानकात सापडल्या
