Photo: अभिनेत्री श्रुती मराठेचा आवडता रंग कोणता? मनमोहक फोटो शेअर करत म्हणाली…

मराठी चित्रपटसृष्टीतील लोकप्रिय अभिनेत्री श्रुती मराठे सध्या तिच्या ‘प्रीतम अँड पेड्रो’ या नव्या वेब सीरिजमुळे प्रचंड चर्चेत आली आहे. श्रुतीने केवळ मराठीतच नाही, तर तमीळ, कन्नड व हिंदी चित्रपट, तसेच मालिकांमध्येही आपल्या अभिनयाची छाप पाडली आहे. नुकतेच श्रुतीने सोशल मीडियावर तिचे काही मनमोहक फोटो शेअर केले आहेत. त्यासोबत तिच्या आवडत्या रंगाविषयीही सांगितले आहे. या नवीन फोटोशूटमध्ये श्रुतीने फ्युशिया गुलाबी (Fuchsia Pink) रंगाचा एक अत्यंत सुंदर टॉप परिधान केला आहे. फोटोंमध्ये तिने आपले केस मोकळे सोडले असून, या साध्या टॉप आणि जीन्सच्या लूकमध्येही तिचे सौंदर्य कमालीचे खुलले आहे. या सुंदर आणि आकर्षक फोटोंना तिने ‘My favourite colour Fuchsia Pink’ (माझा आवडता रंग फ्युशिया पिंक) अशी कॅप्शन दिली आहे. तिचा हा मनमोहक आणि साधा लूक सोशल मीडियावर येताच चाहत्यांना प्रचंड आवडला असून, त्यावर लाइक्सचा वर्षाव होत आहे. तिच्या या फोटोंवर चाहते भरभरून कमेंट्स करीत असून, तिच्या या मनमोहक रूपाचे आणि साधेपणाचे कौतुक करीत आहेत. (सर्व फोटो सौजन्य: श्रुती मराठे/इन्स्टाग्राम)