-
जर तुम्हाला रात्री शांत झोप येत नसेल आणि वारंवार कुस बदलावी लागत असेल तर ही झोपेची समस्या असू शकते. केवळ योग्य दिनचर्या आणि आहारच नाही तर काही प्रकारचे व्यायाम प्रकार करुन देखील चांगली झोप घेण्यास मदत करू शकते. हे व्यायाम प्रकार केवळ शरीरालाच आराम देत नाहीत तर मानसिक शांती देखील देतात. चांगली झोप येण्यास मदत करणाऱ्या ८ व्यायाम प्रकारांबद्दल जाणून घेऊया.
-
योगा
योगा केल्यामुळे शरीर आणि मन दोन्ही शांत होते. विशेषतः बालासन आणि विपरिता करणी (भिंतीपर्यंत पाय टेकवणे) सारखी आसने मज्जासंस्था शांत करण्यास आणि तणाव कमी करण्यास मदत करतात. झोपण्यापूर्वी हे व्यायाम प्रकार करा, यामुळे झोपेची गुणवत्ता सुधारू शकते. -
डायफ्रामॅटिक ब्रीदिंग
डायफ्रामॅटिक ब्रीदिंग आणि अनुलोम विलोम प्राणायाम सारख्या दीर्घ श्वास घेण्याच्या तंत्रामुळे ताण कमी होतो आणि मनाला शांती मिळते. मेंदूला आराम देण्यासाठी आणि शांत झोप येण्यासाठी हे खूप फायदेशीर आहे. -
रनिंग
रात्री हलके चालणे शरीराची ऊर्जा संतुलित करते आणि सर्कॅडियन लय योग्य ठेवते, ज्यामुळे झोप आणि जागे होण्याचे चक्र सुधारते. यामुळे मानसिक ताण कमी होतो आणि झोपेची गुणवत्ता सुधारते. विशेषतः संध्याकाळी २०-३० मिनिटे चालणे फायदेशीर ठरू शकते. लक्षात ठेवा की झोपण्यापूर्वी वेगाने चालण्याऐवजी हळू चालावे. -
पिलेट्स
पिलेट्स हा एक व्यायाम आहे जो शरीराची तीव्र हालचाल होते आणि शरीर मजबूत होते. पिलेट्स व्यायामामुळे शरीरातील लवचिकता आणि स्नायूंची ताकद वाढते. हे स्नायूंना आराम देण्यास आणि ताण कमी करण्यास मदत करते, ज्यामुळे लवकर झोप येण्यास मदत होते. -
प्रोग्रेसिव्ह मसल रिलॅक्सेशन
या व्यायाम प्रकारामुळे शरीराच्या प्रत्येक स्नायूला हळूहळू ताण दिला जातो आणि नंतर आराम मिळतो. यात शरीराच्या वेगवेगळ्या स्नायूंना घट्ट आणि सैल करण्याची प्रक्रिया अवलंबली जाते. हे तणाव कमी करते आणि शांत गाढ झोप येण्यासाठी मदत होते. -
रेजिस्टेंस ट्रेनिंग
हलके वजन उचलण्याचे व्यायाम प्रकार केल्याने शरीरात उर्जेचे योग्य संतुलन राखण्यास मदत होते. हे दिवसभराचा मानसिक थकवा दूर करण्यास मदत करते आणि झोपेची गुणवत्ता सुधारते. पण हे व्यायाम प्रकार झोपण्यापूर्वी करू नका, तर दिवसा करा. -
स्ट्रेचिंग
हलके स्ट्रेचिंग केल्याने शरीराचा कडकपणा कमी होतो आणि रक्ताभिसरण सुधारते. झोपण्यापूर्वी मान, पाठ आणि पाय ताणल्याने शरीराला आराम मिळतो आणि लवकर झोप येण्यास मदत होते. -
ताई ची व्यायाम प्रकार
ताई ची हा एक मंद, केंद्रित व्यायाम प्रकार आहे जो ताण कमी करण्यास आणि झोपेची गुणवत्ता सुधारण्यास मदत करू शकतो. या व्यायाम प्रकारातील सौम्य हालचाली चिंता कमी करण्यास आणि शांत झोप आणण्यास मदत करतात. ज्यांना निद्रानाशेचा त्रास आहे त्यांच्यासाठी हा व्यायाम प्रकार फायदेशीर आहे.(फोटो साभार: पेक्सेल्स)
‘एमपीएससी’च्या इतिहासात पहिल्यांदाच २७९५ जागांसाठी जाहिरात, ‘या’ पदवीधरांना अर्जाची संधी…
