Belly Fat: पोटाची चरबी कमी करण्यासाठी रामबाण; दररोज १० मिनिटे करा 'हे' योगासन

वजन कमी करूनही बऱ्याच लोकांच्या पोटाची चरबी कमी होत नाही. व्यायाम किंवा आहार नियंत्रणानेही अशा लोकांना पोटाची चरबी कमी करण्यास मदत होत नाही. महिला आणि पुरुषांनाही पोटाच्या चरबीची समस्या भेडसावते. डॉ. अंजली यांनी एका साध्या योगासनाबद्दल सांगितले आहे जे पोटाभोवतीची चरबी कमी करण्यास मदत करते. तज्ज्ञांचे म्हणणे आहे की, ज्या लोकांना पोटाची चरबी कमी होत नसल्याची तक्रार आहे त्यांनी प्रथम दोन गोष्टींकडे लक्ष द्यावे. नेहमी कमी कॅलरी असलेले पदार्थ खा आणि रात्री ८ वाजण्यापूर्वी रात्रीचे जेवण करा. पोटाची चरबी कमी करण्यासाठी या दोन्ही गोष्टी आवश्यक आहेत. जर हे सर्व करूनही तुमच्या पोटाची चरबी कमी होत नसेल, तर डॉ. अंजली म्हणतात की दररोज स्वतःसाठी १० मिनिटे काढा आणि कपाल भारती करा. कपाल भाती कसा करायचा? डॉ. अंजली यांनी कपाल भारती नावाच्या योगासनाबद्दल माहिती दिली आहे. हे एक असे योगासन आहे जे लहान मुलांपासून वृद्धांपर्यंत सर्वजण करू शकतात. या योगासनामध्ये तुम्ही सरळ बसता आणि नाकातून श्वास सोडता. हे योगासन गॅस, अॅसिडिटी, रक्तदाब, फॅटी लिव्हर, बद्धकोष्ठता इत्यादी सर्व प्रकारच्या पचन समस्यांसाठी उत्तम आहे. डॉ. अंजली म्हणतात की जर तुम्ही हे योगासन महिनाभर सतत केले तर तुमच्या पोटाची चरबी निश्चितच कमी होईल. तुम्ही हे योगासन खुर्चीवर किंवा जमिनीवर बसून करू शकता. एका मिनिटात ६० वेळा नाकातून श्वास घ्या आणि बाहेर सोडा. तुम्ही हे हळूहळू आणि वेगाने करू शकता. त्या म्हणाल्या की, हे योगासन केल्याने पोटाच्या अवयवांमध्ये रक्त प्रवाह वाढतो, चयापचय सुधारते आणि जमा झालेली चरबी जाळली जाते.