डिसेंबरमध्ये सूर्यदेव झपाट्याने बँक बॅलन्स वाढणार! ‘या’ तीन राशी मिळवणार मोठी पगारवाढ अन् व्यवसायात प्रगतीसह

ज्योतिषशास्त्रानुसार प्रत्येक ग्रहाचे काही निश्चित कालावधीनंतर राशी परिवर्तन होते; ज्याचा प्रभाव १२ राशींच्या व्यक्तींवर पाहायला मिळतो. ज्योतिषशास्त्रानुसार सूर्य प्रत्येक महिन्यात राशी परिवर्तन आणि नक्षत्र परिवर्तन करतो. ज्योतिषशास्त्रात सूर्याला आत्मा आणि पित्याचा कारक ग्रह मानला जातो. ज्या व्यक्तीच्या कुंडलीत सूर्य मजबूत असतो, त्या व्यक्तीला आयुष्यात भरपूर यश, सुख, पद-प्रतिष्ठा, मान-सन्मान प्राप्त होतो. इतर ग्रहांप्रमाणेच सूर्यदेखील ठराविक काळानंतर राशी परिवर्तन करतो. सूर्याच्या परिवर्तनामुळे १२ राशींच्या व्यक्तींच्या आयुष्यात विविध बदल आपल्याला पाहायला मिळतात. पंचागानुसार, डिसेंबरमध्ये सूर्याचे तीन वेळा नक्षत्र परिवर्तन होणार आहे. सूर्य ३ डिसेंबर रोजी मध्यरात्री १ वाजून २१ मिनिटांनी ज्येष्ठ नक्षत्रात प्रवेश करेल. त्यानंतर १६ डिसेंबर रोजी पहाटे ४ वाजून २६ मिनिटांनी मूळ नक्षत्रात त्यानंतर २९ डिसेंबर रोजी पूर्वाषाढा नक्षत्रात सकाळी ६ वाजून ३७ मिनिटांनी प्रवेश करणार आहे. सूर्याचे एकाच महिन्यात होणारे हे गोचर नक्कीच काही राशीच्या व्यक्तींसाठी अनुकूल असेल. ज्योतिषशास्त्रानुसार सूर्याचे नक्षत्र परिवर्तन सिंह राशीच्या व्यक्तींना विशेष लाभदायी असेल. या राशी परिवर्तनामुळे आकस्मिक धनलाभ होतील. या काळात अडकलेली कामे पूर्ण होतील. तुमचा आत्मविश्वास वाढेल. या काळात अनेक भौतिक सुखे प्राप्त होतील. तूळ राशीच्या व्यक्तींना सूर्याचे डिसेंबरमध्ये होणारे नक्षत्र परिवर्तन अत्यंत शुभ सिद्ध होईल. या काळात तुम्हाला काम आणि व्यवसायात प्रचंड यश मिळेल आणि उत्पन्नात प्रचंड वाढ होईल. तसेच, बेरोजगार लोकांना यावेळी नवीन नोकरी मिळू शकते. कुंभ राशीच्या व्यक्तींना सूर्याचे नक्षत्र परिवर्तन खूप लाभदायी असेल. हे नक्षत्र परिवर्तन तुमच्यासाठी खूप फायदेशीर ठरेल. या काळात तुमच्या उत्पन्नात प्रचंड वाढ होईल. तसेच उत्पन्नाचे नवीन स्रोत निर्माण होऊ शकतात. (टीप: वरील लेख प्राप्त माहितीवर आधारित आहे.) (फोटो सौजन्य: लोकसत्ता ग्राफिक्स टीम)