Photos: ‘बिग बॉस मराठी ६’च्या घरात तन्वी कोलतेचा मराठमोळा नखरा; हिरव्या साडीतील सौंदर्याची चर्चा

सध्या सर्वत्र ‘बिग बॉस मराठी ६’चीच चर्चा रंगली असून, घरातील सदस्यांमधील वाढता संघर्ष आणि रंजक टास्कमुळे या शोची लोकप्रियता सातत्याने वाढत आहे. दरम्यान, 'बिग बॉस मराठी ६'च्या घरात अभिनेत्री तन्वी कोलतेचा मराठमोळा आणि पारंपरिक साज प्रेक्षकांचे विशेष लक्ष वेधून घेत आहे. नुकत्याच समोर आलेल्या फोटोंमध्ये तन्वीने गडद रंगाची साडी आणि त्यावर गुलाबी रंगाचा ब्लाऊज परिधान करून आपला ग्लॅमरस लूक पूर्ण केला आहे. तन्वीने या लूकवर नाकात पारंपरिक नथ आणि गळ्यात नाजूक ठुशी घालून अस्सल मराठी सौंदर्याचे दर्शन घडवले आहे. बिग बॉसच्या सोफ्यावर बसून विचारमग्न असलेल्या तन्वीचा हा फोटो सोशल मीडियावर सध्या तुफान व्हायरल होत आहे. केसांची साधी पण मोहक ठेवण आणि चेहऱ्यावरील हावभावांमुळे तन्वीच्या या सावळ्या सौंदर्याचे चाहते मोठ्या प्रमाणात कौतुक करत आहेत. तन्वीने ‘झी मराठी’वरच्या ‘लक्ष्मी निवास’ मालिकेत ‘सिंचना’ ही भूमिका साकरली होती. महाराष्ट्रीयन अशा संस्कृतींचा मेळ तिच्या या एकूण पेहरावामध्ये आणि दागदागिन्यांमध्ये जाणवतो. (सर्व फोटो सौजन्य: तन्वी कोलते/इन्स्टाग्राम)