-
उन्हाळ्याचा आनंद रसाळ कलिंगडाशिवाय अपूर्ण आहे. ९२% पाणी असलेले हे फळ केवळ उष्णतेपासूनच वाचवत नाही, तर त्यात व्हिटॅमिन सी, ए, बी६ आणि पोटॅशियमसारखी पोषक तत्वेही असतात. पण, योग्य कलिंगड निवडणे हे एक कसब आहे. चुकीचे किंवा ‘नायट्रेट्स’युक्त कलिंगड आरोग्याला हानिकारक ठरू शकते. (फोटो सौजन्य : फ्रीपिक)
-
पिवळसर रंगापासून सावध राहा
कलिंगडाची साल बाहेरून जास्त पिवळी दिसत असेल तर त्यात नायट्रेट्सचे प्रमाण जास्त असू शकते. (फोटो सौजन्य : फ्रीपिक) -
कापल्यावर पिवळ्या रेषा तपासणे
कलिंगड कापल्यानंतर जर त्यात पांढऱ्या किंवा पिवळसर रंगाच्या जाड रेषा दिसत असतील, तर ते नायट्रेट्सयुक्त असण्याची शक्यता असते. नैसर्गिकरीत्या पिकलेल्या कलिंगडात अशा रेषा नसतात. (फोटो सौजन्य : फ्रीपिक) -
कलिंगडाला छिद्र असणे
कलिंगडाच्या सालीवर लहान छिद्रे असतील तर असे फळ घेऊ नका. अनेकदा ही छिद्रे कीटकांमुळे नसून, फळ मोठे करण्यासाठी दिलेल्या इंजेक्शनमुळे असू शकतात. (फोटो सौजन्य : फ्रीपिक) -
पोकळ भाग असलेले कलिंगड
कलिंगड कापल्यावर मधला भाग खूप पोकळ किंवा मोठी भेग असलेला नसावा. असा भाग फळ अति-पिकल्याचे किंवा त्यात ‘ग्रोथ हार्मोन्स’ वापरल्याचे लक्षण आहे. हे चवीला कडवट आणि विषारी असू शकते. (फोटो सौजन्य : फ्रीपिक) -
पाण्याचा सोपा प्रयोग
कलिंगड सुरक्षित आहे की नाही हे पाहण्यासाठी त्याचा एक तुकडा पाण्यात टाका. जर पाणी लगेच गडद गुलाबी किंवा लाल झाले तर समजा त्यात भेसळ आहे. नैसर्गिक कलिंगडाने पाण्याचा रंग बदलत नाही. (फोटो सौजन्य : फ्रीपिक) -
वजनाला जड असणे
कलिंगड उचलताना ते त्याच्या आकारमानानुसार जड वाटले पाहिजे. जड कलिंगड याचा अर्थ ते आतून रसाळ आणि पूर्णपणे पिकलेले आहे. हलके कलिंगड कोरडे असण्याची शक्यता असते. (फोटो सौजन्य : फ्रीपिक) -
डाग किंवा चपटेपणा नसणे
कलिंगड खरेदी करताना ते सर्व बाजूंनी गोल आणि गुळगुळीत असावे. त्यावर कोणतेही मोठे डेंट्स (खड्डे) किंवा जखमा नसाव्यात. डाग असलेले कलिंगड लवकर खराब होते. (फोटो सौजन्य : फ्रीपिक) -
जमिनीवरील पिवळा ठिपका
कलिंगडाच्या एका बाजूला जमिनीला टेकलेल्या भागावर फिक्कट पिवळ्या रंगाचा मोठा ठिपका (Field Spot) असावा. हा ठिपका पांढरा असल्यास कलिंगड कच्चे आहे आणि पिवळा असल्यास ते व्यवस्थित पिकलेले आहे असे समजावे. (फोटो सौजन्य : फ्रीपिक)
२७ वर्षांचं अंतर नाहीच…! नवऱ्यापेक्षा फक्त ‘इतक्या’ वर्षांनी लहान आहे सोनाली खरे; थेट सांगितलेली जन्मतारीख, ट्रोलर्सना म्हणाली…
