सकाळी उठताच पाणी का प्यावं? फायदा होतो की नुकसान? तज्ज्ञांकडून जाणून घ्या…

1/8

सकाळी उठल्यावर आपले शरीर बाहेरून फ्रेश वाटतं असले तरीही आतून थोडं थकलेलं आणि डिहायड्रेटेड असते. आपण सकाळी उठल्यावर सगळ्यात आधी मोबाईल बघतो किंवा कॉफी पिण्याला प्राधान्य देतो. पण, आपल्या शरीराची प्राथमिक आणि सर्वात आवश्यक गरज ‘पाणी’ असते; जे शरीराला उठल्यावर कधीच मिळत नाही. त्यामुळे सकाळी उठल्यावर एक ग्लास पाणी प्या. यामुळे शरीर आणि मनावर याचा चांगला परिणाम होतो. तसेच दिवसाची सुरुवात हलकी, स्वच्छ आणि संतुलित होते. (फोटो सौजन्य: @Freepik)

2/8

झोपेत असतानाही शरीराची कार्ये थांबत नाहीत. श्वास घेणे, घाम येणे, त्वचेची दुरुस्ती, पचन या सर्व सतत चालणाऱ्या प्रक्रिया शरीराच्या सुरूच असतात. या सर्वांसाठी पाण्याची आवश्यकता असते. त्यामुळे जेव्हा आपण सकाळी उठतो तेव्हा थोड्या प्रमाणात डिहायड्रेटेड असतो. पण, आपल्याला तहान लागत नाही. पण, चेहऱ्यावर ही चिन्हे स्पष्ट दिसतात. त्वचा निस्तेज दिसते, डोळे जड वाटतात, मन थोडे सुस्त वाटते. म्हणूनच सकाळी पाणी पिणे आवश्यक मानले जाते. साध्या हायड्रेशन रूटीनने तुमचा दिवस सुरू केल्याने शरीराला आवश्यक ओलावा मिळेल, ऊर्जा पातळी सुधारेल, तुमची त्वचा निरोगी आणि ताजी राहील. (फोटो सौजन्य: @Freepik)

3/8

चार मिनिटांची मॉर्निंग वॉटर रुटीन
हा कोणताही व्यायाम नाही. शरीराला हळूवारपणे जागं करणं आणि शरीराने रात्री गमावलेलं पाणी पुन्हा भरून काढणे आहे; ज्यामुळे दिवसाची सुरुवात चांगली होते. (फोटो सौजन्य: @Freepik)

4/8

१. उठल्यानंतर पाणी प्या
सकाळी उठल्यानंतर सर्वात आधी एक ग्लास पाणी प्या. पाणी खूप थंड किंवा खूप गरम नसावे. फक्त पोट आणि शरीर शोषून घेईल असे पाणी असावे. त्यामुळे घाई करू नका. उभे राहून किंवा खिडकीजवळ राहून हळूहळू पाणी प्या. तुमच्या शरीरातील पाण्याची कमतरता भरून काढण्यासाठीचे हे पहिले पाऊल आहे. (फोटो सौजन्य: @Freepik)

5/8

२. मिनरल्ससह पाण्याचे फायदे वाढवा –
दुसऱ्या मिनिटात, तुम्ही तुमचे पाणी आणखी प्रभावी बनवू शकता. पाण्यात चिमूटभर सैंधव मीठ, थोडासा लिंबाचा रस किंवा थोडेसे नारळ पाणी घाला. यामुळे पाण्यात आवश्यक खनिजे आणि इलेक्ट्रोलाइट्स वाढतात. यामुळे शरीरात पाणी टिकून राहण्यास मदत होते, ज्यामुळे ऊर्जा वाढते आणि त्वचेचे पोषण होते. पाणी पेशींपर्यंत लवकर पोहोचते आणि शरीराला आतून ताजेतवाने सुद्धा वाटते. (फोटो सौजन्य: @Freepik)

6/8

३. तुमच्या त्वचेवर लक्ष केंद्रित करा –
तिसऱ्या मिनिटाला पाणी पिताना, तुमच्या चेहऱ्यावर आणि त्वचेवर लक्ष द्या. तुमच्या गालावर, कपाळावर आणि डोळ्यांखालील त्वचेला बोटांनी हळूवारपणे स्पर्श करा. ही वेळ स्वतःचे निरीक्षण करण्याची आणि समजून घेण्याची आहे; दोष शोधण्याची नाही. सकाळी नियमितपणे पाणी पिल्याने त्वचेची आर्द्रता वाढते, रक्ताभिसरण सुधारते, हळूहळू तुमच्या चेहऱ्यावर नैसर्गिक चमक येते. हा बदल एका दिवसात दिसणार नाही, तर काही आठवड्यांत दिसून येईल. (फोटो सौजन्य: @Freepik)

7/8

४: श्वास घ्या, सरळ उभे रहा आणि स्वतःला वचन द्या –
आता सरळ उभे रहा आणि दोन किंवा तीन वेळा खोल श्वास घ्या. तुमचे खांदे मोकळे करा आणि तुमच्या शरीराला रामाच्या स्थितीत आणा. या काळात, स्वतःला एक छोटेसे वचन द्या की, “मी माझ्या त्वचेची काळजी घेईन”. ही सवय केवळ तुमचे शरीरच नाही तर तुमचे मन देखील शांत करते. ज्यामुळे तुम्ही तुमचा दिवस सकारात्मक मानसिकतेने सुरू करता येतो. (फोटो सौजन्य: @Freepik)

8/8

या सवयीचा त्वचेवर काय परिणाम होतो?
चार मिनिटांच्या या सवयीमुळे त्वचेत हळूहळू लक्षणीय बदल होतात. त्वचेचा पोत नितळ होतो, कोरडेपणा आणि खडबडीतपणा कमी होतो. डोळे आणि ओठांभोवती बारीक रेषा कमी होतात. चेहऱ्यावरील थकवा लवकर निघून जातो आणि नैसर्गिक चमक दिसून येते. हे सर्व कोणत्याही महागड्या उत्पादनांशिवाय शक्य आहे, फक्त पाण्याने. (फोटो सौजन्य: @Freepik)