उन्हाळ्यात तुळशीचे रोप सुकतेय? 'या' ५ सोप्या टिप्सने राहील वर्षभर हिरवेगार!

तुळशीला प्रखर उन्हाचा त्रास होतो. शक्य असल्यास रोप सावलीत ठेवा किंवा 'ग्रीन नेट' किंवा पातळ सुती कापडाचा वापर करून सावली करा. उन्हाळ्यात तुळशीला दिवसातून दोनदा पाणी द्यावे. सकाळी लवकर आणि संध्याकाळी सूर्यास्तानंतर पाणी देणे सर्वोत्तम ठरते. दुपारी कडक उन्हात पाणी देणे टाळावे, कारण यामुळे मुळांना इजा होऊ शकते. कुंडीतील मातीतील ओलावा टिकवून ठेवण्यासाठी मातीवर सुका पालापाचोळा किंवा लाकडाचा भुसा टाका. तुळशीला जेव्हा मंजिरी (बिया) येतात, तेव्हा झाडाची ऊर्जा बिया तयार करण्यात खर्च होते आणि वाढ थांबते. रोप हिरवेगार ठेवण्यासाठी या मंजिरी वेळोवेळी खुडून टाकाव्यात. उन्हाळ्यात कडक रासायनिक खते वापरणे टाळावे. त्याऐवजी शेणखत, गांडूळ खत किंवा घरगुती कंपोस्ट वापरावे. रोपावर कीड किंवा काळी बुरशी पडल्यास रासायनिक औषधांऐवजी कडुलिंबाच्या तेलाचा स्प्रे किंवा हळदीच्या पाण्याचा वापर करा. (हेही पाहा : जगातील सर्वाधिक सोन्याचा साठा असलेले 'टॉप १०' देश; भारताची मोठी झेप!)