Photos : निळ्या पारंपरिक साडीत खुलले भाग्यश्रीचे सौंदर्य; राजेशाही लूकने वेधले चाहत्यांचे लक्ष!

बॉलीवूडची सुप्रसिद्ध अभिनेत्री भाग्यश्री तिच्या अभिनय आणि सौंदर्याने नेहमीच चाहत्यांच्या मनावर राज्य करीत आली आहे. अभिनेता व दिग्दर्शक रितेश देशमुख याच्या बहुप्रतीक्षित राजा शिवाजी या ऐतिहासिक चित्रपटात भाग्यश्री राजमाता जिजाऊंची अत्यंत महत्त्वाची भूमिका साकारली आहे. या ऐतिहासिक भूमिकेमुळे भाग्यश्री सध्या प्रचंड चर्चेत असून, तिची ही नवीन इनिंग पाहण्यासाठी प्रेक्षक कमालीचे उत्सुक आहेत. नुकतेच भाग्यश्रीने तिच्या सोशल मीडिया अकाउंटवरून पारंपरिक साडीतील तिचे काही अप्रतिम फोटो शेअर केले आहेत. या फोटोंमध्ये तिने निळ्या आणि हिरव्या रंगाच्या शेडमधील जरीकाठाची एक सुंदर सिल्क साडी परिधान केली आहे. तिने गळ्यात काहीही न घालता, केवळ कानात मोठे सोन्याचे झुमके, हातात तोडे व अंगठी असा मर्यादित, पण अतिशय राजेशाही दागिना कॅरी केला आहे. हे फोटो शेअर करताना भाग्यश्रीने सोशल मीडियावर 'तसव्वुर की तस्वीर' (Tasavvur ki tasvee) अशी एक सुंदर कॅप्शन दिली आहे. भाग्यश्रीचे सौंदर्य आणि साधेपणा दाखवणारे हे फोटो सध्या सोशल मीडियावर खूप मोठ्या प्रमाणात व्हायरल होत आहेत. (सर्व फोटो सौजन्य: भाग्यश्री/इन्स्टाग्राम)