Photos : गुलाबी साडीतील शिवाली परबच्या खास अदा; मनमोहक लूकने वेधले लक्ष

‘महाराष्ट्राची हास्यजत्रा’फेम अभिनेत्री शिवाली परब आपल्या उत्तम विनोदी अभिनयाने नेहमीच प्रेक्षकांचे निखळ मनोरंजन करीत असते. शिवाली सोशल मीडियावर प्रचंड सक्रिय असून, ती सतत तिचे नवनवीन फोटो आणि व्हिडीओ चाहत्यांसाठी शेअर करीत असते. नुकतेच तिने तिच्या इन्स्टाग्राम अकाउंटवरून गुलाबी रंगाच्या साडीतील काही सुंदर फोटो चाहत्यांसाठी पोस्ट केले आहेत. या साडीवर तिने परिधान केलेल्या गडद हिरव्या रंगाच्या स्लीव्हलेस ब्लाऊजमुळे तिचा हा लूक अधिकच आकर्षक दिसत आहे. शिवालीच्या या साध्या, पण अत्यंत सुंदर गुलाबी साडीतील मराठमोळ्या अंदाजाने सर्वांचेच लक्ष वेधले गेले आहे. एका हातात घातलेल्या काचेच्या हिरव्या बांगड्यांमुळे तिच्या या लूकला एक छान पारंपरिक स्पर्श मिळाला आहे. साधे, मोजके दागिने आणि मोकळ्या केसांची सुंदर रचना तिच्या या लूकला अधिकच परिपूर्ण बनवते. नैसर्गिक मेकअप आणि नाकातील नाजूक चमकी यांमुळे तिचा हा लूक अतिशय टवटवीत आणि मनमोहक दिसत आहे. आपल्या या खास फोटोंना तिने ‘A rose’ अशीकॅप्शन दिली आहे. या नवीन फोटोशूटमधील तिच्या खास अदांवर सध्या चाहत्यांकडून भरभरून कौतुकाचा वर्षाव होत आहे. (सर्व फोटो सौजन्य: शिवाली परब/इन्स्टाग्राम)